Pavlodar qalasynda 20 qarasha kúni bokstan Qazaqstan chempıonaty bastalǵan bolatyn. Rıo Olımpıadasynda júldeli oryndarǵa ıe bolǵan Danııar Eleýsinov (69 kg), Vasılıı Levıt (91 kg), Ádilbek Nııazymbetov (81 kg) jáne Ivan Dychko (+91 kg) bosatylǵan doda tartysty ótip jatyr. Sebebi, ishki birinshiliktegi alǵashqy úzdik úsh sportshy ulttyq quramaǵa kirip, álem, Azııa chempıonattary, sondaı-aq halyqaralyq jarystarǵa qatysatyn bolady.
Sonymen qatar jazǵy Olımpıada oıyndary aıaqtalǵannan keıin Birjan Jaqypov (49 kg), Oljas Sattybaev (52 kg), Berik Ábdirahmanov (60 kg) negizgi quramdaǵy oryndaryn bosatqan edi. Ázirge ol orynǵa da eshkim alynbady.
- Qurama komandadan ketken sportshylardyń ornyn kim basatyndyǵyn rıngtegi kezdesýler sheshedi. Biz Rıodaǵy Olımpıadaǵa qatysqan nebári 10 boksshyny ǵana daıyndaǵan joqpyz ǵoı. Olardan bólek rezervpen de úlken daıyndyq jumystary júrgizildi. Ár salmaq dárejesinde ózara básekelestik bar. Menińshe, boksshylar ulttyq quramanyń sapyna kirý úshin baryn salady. Onyń ústine, ózderiniń arasynda da tikeleı qarsylastarymen kimniń úzdik ekeni jóninde sheshilmegen keıbir jaıttar bar», – dedi Pavlodar oblysy boks federasııasynyń atqarýshy dırektory Azamat Maqajanov.
Bir aıta keterligi, bul chempıonatta Abylaıhan Júsipov (69 kg) jáne Jánibek Álimhanuly (81 kg) sekildi jańa salmaq dárejelerine kóterilgender de bar. Jalpy, barlyq oblystardan, sondaı-aq Almaty jáne Astana qalalarynan 10 salmaq kategorııasy boıynsha 186 boksshy qatysty. Solardyń ishinde úzdikteri iriktelip, búgingi jartylaı fınalǵa tek 40 boksshy joldama aldy. Olar tómendegi tizim boıynsha rıngte óner kórsetedi:
49 kg
Jomart Erjan – Shalqar Aıqynbaı
Asqat Júsipov – Temirtas Júsipov
56 kg
Qaırat Eralıev – Ilııas Súleımenov
Janbolat Qydyrbaev – Nurbol Qaljanov
64 kg
Dilmurat Májitov – Qýan Qýatov
Bekdáýlet Ibragımov – Maqsat Jeksenbi
75 kg
Abylaıhan Amanqul – Tursynbaı Kýlahmetov
Manat Omirzaqov – Erik Áljanov
91 kg
Anton Pınchýk – Arbek Ábdiǵanıev
Erkin Muhamedjan – Serik Musadilov
Keshki sessııa (bastalýy 18:00)
52 kg
Azat Mahmetov – Ánýar Muzapparov
Oljas Baınııazov – Azamat Isaqulov
60 kg
Zákir Safıýllın – Meırbolat Toıytov
Áilet Kurmetov – Serik Temirjanov
69 kg
Qanaǵat Maralov – Ilıa Ochkın
Almasbek Álibekov – Abylaıhan Júsipov
81 kg
Janibek Álimhanuly – Vadım Kzakov
Nurdaýlet Jarmanov – Shaımurat Qusaıynov
+91 kg
Qamshybek Qunqabaev – Nurlan Saparbaı
Oljas Býkaev – Nurjan Bekzatov.