Poshta qyzmeti qojyramaýy tıis

Jumanyń jańbyrly kúni Al­maty qalasynyń «Saıran» shaǵyn aýdanynyń turǵyndary qýa­nyp qaldy. Qaladaǵy halqy eń tyǵyz ornalasqan aýmaqta «Qaz­poshta­nyń» jańa bólimshesi ashy­­lyp, oń­dy oqıǵa oryn aldy. Almaly aýda­nynyń barlyq tur­ǵyndary úshin yńǵaıly orna­las­qan №5 poshta baı­lanysy bó­lim­shesi «Tastaq» ba­za­rynan joǵary Prokofev kó­she­si 148-ǵımara­tyna oryn tepti. Jasyratyn nesi bar, osydan az ǵana jyldar buryn elimizde poshta qyzmeti qojyrap, onyń qyzmetine muqtaj halyq jazyl­ǵan gazet-jýrnaldaryn der kezinde ala almaı, basqa da onyń qyzmetine qatysty keleńsiz jaı­larǵa tap bolyp jatatyn.  Endi ondaı oqıǵalar oryn almaq emes. El poshtasy  – óz bedelin bekemdep, eńsesin qaıta tiktep keledi. Osylaısha, birqatar qıyn­dyq­tarǵa qaramastan, el posh­ta­sy baılanys bólimsheleriniń qa­taryn kóbeıtip, qyzmet kórse­tý­diń sapa­syn kóterip, jalpy poshta baı­la­nysynyń kelbetin jaq­sartýǵa qol jetkize bastaǵany qýantady. Al, Saıran» shaǵyn aýdany­nyń turǵyndary osy ýaqytqa deıin hattary men sálemde­me­lerin 1956 jyly ashylǵan eski ǵımarattan jiberip, poshta qyz­me­tine qatysty ózge tirlikterin sonda tyndyryp júrgen. Jurt­ty kádimgideı qýantqan 5-PBB endi alańy 310 sharshy metr bolatyn jańa ǵımaratqa kóshti. Jańa poshta bólimshesi qaı jaǵynan alsańyz da – zamanyna saı qural-jaraqtarmen jab­dyq­­ta­lyp, jarqyrap tur.  Mú­gedek jandarǵa arnaıy pandýs qoıyl­ǵan jáne lıft ornatylǵan. Sol sııaqty munda qosymsha operasııalyq tereze ashý múm­kin­digi paıda boldy. Bólimshedegi aq­sha aıyrbastaý jónindegi ope­ra­sııa­lyq terezeler QR Ulttyq Ban­ki­niń talaptaryna saı jab­dyqtalǵan. Osynyń bári jańa jumys oryndaryn ashýǵa da septigin tıgizip otyr. Bólimsheniń saltanatty túrde ashylǵan tusaýkeserine aýdan hal­qymen qosa, jergilikti más­lıhat depýtattary, «Nur Otan» HDP saıası keńesiniń músheleri, poshta salasynyń ardagerleri men korporatıvtik klıentteri qaty­syp, «Qazposhta» AQ Basqarma tóraǵasy Arken Arystanov: – Poshta – poshta baılanysy bólimshesinen bastalady. Bizdiń basty maqsatymyz – elimizdiń ár­­­bir turǵynyn poshtalyq jáne qar­jylyq qyzmettiń barlyq tú­rimen qamtamasyz etý bolǵan­dyq­tan, osy poshta bólimshe­si­niń ash­ylýy búkil Qazaqstan boı­ynsha poshta bólimsheleriniń qa­la­lyq jáne aýdandyq júıe­lerin jańartý jó­nindegi aýqym­dy jo­ba­laryna jol salyp beredi, – dedi. Aınash ESALI. Almaty.