Sanıtarlyq qadaǵalaýǵa erekshe nazar aýdaryldy

Taıaýda Astrahan qalasynda (Reseı Federasııasy) sanıtarııa­lyq-epıdemıologııalyq sıpattaǵy tótenshe jaǵdaı­lar­ǵa den qoıý máseleleri boıynsha Qazaqstan men Reseıdiń sa­nıtarııalyq-epıdemıologııalyq qyzmetteriniń dóńgelek ústel má­jilisi bolyp ótti, dep habarlady Qazaqstan Respýblıkasy Densaýlyq saqtaý mı­nıstrliginiń baspasóz qyzmeti. Jıynda QR DSM Memlekettik sanıtarııalyq-epıdemıologııalyq qadaǵalaý komıtetiniń tóraǵasy, QR Bas memlekettik sanıtarlyq dá­ri­geri J.Bekshın men RF Tutyný­shy­lardyń qu­­qyq­ta­ryn jáne adam­nyń salamat­ty­ly­ǵyn qorǵaý sala­syn qadaǵalaý jó­nindegi fede­ral­dyq qyzmetiniń bas­shysy, RF Bas memlekettik sa­nıtarlyq dárigeri G.Onıshenko sóz sóıledi. Dóńgelek ústel jumysyna Qazaqstan men Reseıdiń shekaralas óńirleriniń memlekettik sanı­ta­rııa­lyq-epı­de­mıologııalyq qada­ǵa­laý organdary, obaǵa qarsy kúres qyzmetteri jáne ǵylymı ortalyq­tarynyń jetekshileri qatysty. Taraptar ınfeksııalyq aýrý­lar­dyń paıda bolýynyń, ákelinýiniń jáne taralýynyń aldyn alý boı­ynsha shekaraaralyq yntymaq­tas­tyq máselelerin talqylady. Tal­qylaý barysynda sanıtarııalyq-epıdemıologııalyq salamattylyq, ásirese, shekaraaralyq sıpattaǵy qaýiptiń aldyn alý men taratpaý boıynsha birlesken sharalar usy­nyldy. Taraptardyń usynystary ha­lyqtyń sanıtarııalyq-epıde­mı­o­­logııalyq salamattylyǵyn qamta­ma­syz etý boıynsha odan ári birlesken is-qımyldar josparyn ázir­leý úshin negiz bolady. Qazaqstan men Reseıdiń sanı­tarııalyq-epıdemıologııalyq qyz­metteriniń basshylary Qazaqstan-Reseı yntymaqtastyǵynyń tıimdiligin, utymdylyǵyn, turaqty­ly­ǵyn jáne nátıjeliligin atap kór­setti. Qorytyndysynda taraptar Qazaqstannyń Memlekettik sanı­tar­ııalyq-epıdemıologııalyq qada­ǵalaý komıteti men Reseı Tuty­ný­shylaryn qadaǵalaý qyzmeti ara­synda ınfeksııalyq aýrýlarǵa qarsy kúres salasyndaǵy ynty­maq­tastyq týraly memorandýmǵa qol qoıdy. «Egemen-aqparat».