Tarazda memleket jáne qoǵam qaıratkeri Dinmuhamed Qonaevty eske alýǵa arnalǵan kúresten halyqaralyq jarys ótti, dep habarlady Jambyl oblystyq dene shynyqtyrý jáne sport basqarmasy.
«Taraz-Arena» sport saraıyndaǵy jarysqa Qazaqstana, Reseı, Mońǵolııa, Brazılııa, Armenııa, Grýzııa, Tájikstan, Qyrǵyzstan, О́zbekstannan 150 sportshy qatysty.
Balýandar 57, 61, 65, 70, 74, 86, 97 jáne 125 kg salmaq dárejesi boıynsha kúsh synasty. Qazaqstan quramasy bir altyn, bir kúmis jáne tórt qola medal ıelendi.
Halyqaralyq jarysty sport jáne dene shynyqtyrý isteri komıteti, grek-rım, erkin jáne áıelder kúresi fedearasııasy, Jambyl oblysynyń dene shynyqtyrý jáne sport basqarmasy, Jambyl oblysynyń erkin kúres federasııasy uıymdastyrýǵa atsalysty.