Mozambık Kerekýge kóz tigedi

Mozambıktiń mıneraldy resýrstar jónindegi mınıstri Es­peranse Laýrında Fransısko Bıas bastaǵan resmı adamdar men ká­sipkerler ENRC kompanııa­sy­nyń shaqyrýymen óndiristi óńir­ge kelip qaıtty. Oblys ákimi Ba­qytjan Saǵyntaev afrıkalyq elden kelgen qonaqtarmen kezdesip, oblystyń áleýmettik-eko­no­mı­kalyq damýy jáne óńirdiń ın­vestısııalyq múmkindikteri týra­ly áńgimelep berdi. – Oblys órkendi damyp keledi, ónerkásip jáne aýyl sha­rýa­shylyǵy óndirisinde 166 joba júzege asyrylýda. Buǵan elimizde jasalǵan ınvestısııalyq úderis, soǵan saı qabyldanǵan áleýetti memlekettik baǵdarlamalar jol bastaýda, – dedi oblys ákimi óz sózinde. О́ńirdiń áleýmettik damýyna ınvestorlar belsene qatysyp, olar­dyń kóshbasshysy – ENRC kompanııasy turǵyn úıler men balabaqshalar salýda, aýrýhana­lar­dy medısınalyq jabdyq­tar­men qamtamasyz etýde. Sonymen qatar, mektepterge, mádenıet pen sportty damytýǵa úles qosyp keledi. Alys qashyqtyqtaǵy eki el arasyndaǵy baılanys ústel basyndaǵy áńgimelesýden, ta­ny­s­tyq­tan óris alatyny sózsiz. – Mozambıktiń de tabıǵı baılyqtary jetedi. Olaı bolsa, óndiristi óńir men bizdiń ortaq máselelerimiz kóp. Endi ENRC kompanııasy arqyly eki jaqty qarym-qatynasymyz nyǵaıa tú­sedi dep oılaımyn, – dedi  Esperanse Laýrında Fransısko Bıas. Afrıkadan kelgen qonaqtar oblys ortalyǵyndaǵy «Qazaq­stan elektrolız zaýyty» AQ-ta jáne Aqsý JES-te, Eki­bas­tuzdyń «Vostochnyı» razrezinde jáne Aqsý ferroqorytpa zaýy­tynda bolyp, óndiris oryndary­nyń jumysymen tanysty. Farıda BYQAI. Pavlodar oblysy.