Senimdi ókil Qostanaıda boldy

AQSh-tyń Qazaqstandaǵy Ýaqytsha senimdi ókili Djon Ordveı Qostanaıda boldy. Ol oblys ákimi Sergeı Kýlagınmen jáne L.Tolstoı atyn­daǵy ob­lystyq kitap­ha­na­da jergilikti stýdent jastarmen kezdesti. Ákimmen bolǵan kezdesýde elshi Qostanaı jerin alǵash basyp tursa da astyqty óńir týraly bilip-túıgeni az emes ekenin jetkizdi. Sergeı Kýlagın de már­te­beli meımanǵa «Qutty qonaq kelse, qoı egiz tabady» degendi aıtyp, bıylǵy bitik eginniń kórsetkishterin áńgimeledi. Munan keıin elshi oblystyq kitaphanadaǵy «Amerıka bury­shyn­da» stýdent jastarmen, jurt­shylyq ókilderimen, jýrnalıstermen kezdesti. Elshi AQSh pen Qazaqstannyń san-salaly baılanysy jóninde kóptegen su­raqtarǵa jaýap berdi. «Qazaqstan – álem elderimen jan-jaqty qa­rym-qatynas ornatqan memleket­ter­diń biri. AQSh Qazaqstanmen kóptegen halyqaralyq, sonyń ishinde lańkestikke qatysty má­se­lelerdi birlesip sheshýde. Ja­qyn­da Qostanaı oblysymen ǵylym jáne tehnıka salalary boıynsha ortaq kelisimge qol qoıdyq», – dedi Djon Ordveı. Názıra JÁRIMBETOVA. Qostanaı.