Almaty oblysynda úsh aǵaıyndy – Jarqynbek Doldan, Muqııat Zarlyhan jáne Álimhan Qadilbekterdi óltirgen kúdiktilerge qatysty sot úkimi shyqty. Sot bas kúdikti Talǵat Súleımenovti ómir boıyna bas bostandyǵynan aıyrý týraly jaza taǵaıyndady. Ol endigi ómirin temir tordyń arǵy jaǵynda, erekshe rejimdegi kolonııada ótkizetin bolady, dep habarlaıdy QazAqparat tilisi.
Oqıǵa boıynsha basqa qylmyskerler Murat Ońalbaev 25 jylǵa kesildi. Ol da erekshe rejimdegi túrmede ustalady. Al aýyr qylmysqa kýáger bola tura eshkimge habarlamaǵan Baqyt Baıqasymov 4 jylǵa bas bostandyǵynan aıyryldy. Budan bólek, sot Súleımenov pen Ońalbaevty óltirilgen ár azamattyń otbasyna moraldyq shyǵyn úshin on mıllıon teńgeden ótemaqy tóleýdi mindettep otyr.
Qarasaı aýdandyq sotynda úsh aǵaıyndyny óltirgenderdiń isi qaralǵan bolatyn. Buǵan deıin habarlaǵanymyzdaı, qaza bolǵandardyń jaqyndary men týystary moraldyq shyǵyn talap etken bolatyn. Olar sýdıadan 45 mln teńge óndirip berýdi surady. Al jábirlenýshi tarap qylmyskerlerdi ólim jazasyna kesýdi suraǵan edi.
Aıta keteıik, qyrkúıek aıynda aǵaıyndylar Uzynaǵashqa mal satýǵa (40 iri qara mal) ketip, iz-túzsiz joǵalyp, artynsha olardyń óli deneleri tabyldy.