Únemshildik oń úrdiske aınalýy tıis

Memleket basshysy Nursultan Nazarbaev  palatalardyń birlesken otyrysynda Parlament aldynda turǵan zań shyǵarmashylyq min­det­tiń tórt blogyn atap kórsetken edi. Sol mindetterdiń ishindegi birinshi blokqa jatatyn elektr qýatynyń shyǵyny 20 paıyzǵa deıin barady degendi Prezıdent tekten-tek aıt­qan joq. Shyntýaıtyna kelgende, bizdiń turǵyndar jylýdy, sýdy jáne elektr qýatyn únemdeýge úırenbegen. Sonyń saldarynan el boıynsha osynshama ysyrapshy­lyq baıqalyp otyr. Sondyqtan da «Energııa únemdeý jáne ener­gııa­nyń tıimdiligin arttyrý týraly» zań jobasyn qabyldaý – durys bas­tama, qoldaýǵa ábden laıyqty ıdeıa. Qarapaıym lampalardy ener­­gııa únemdilerine aýystyrý da osyndaı qajettilikten týyndap otyr. Bul qadam elimiz ál-aýqatynyń artyp kele jatqanynyń bir kórinisi dese de bolady. Sondaı-aq Elbasy «Indý­s­trııa­lyq-ınnovasııalyq qyzmetterdi memlekettik qoldaý týraly» zań jo­basyn qabyldaý qajettigin aıt­ty. Atalǵan zańdyq qujat Máji­lis­ke kelip tústi de. Endigi másele ınnovasııalyq úderisterdi ynta­lan­dyratyn tetikterdi zańnamalyq qamtamasyz etý bolyp tabylady. Men osy rette «jobalyq qarjy­lan­dyrý» amalyn durys dep esepteımin. О́ıtkeni mundaı tetik memleket qana emes, jekeniń de qar­jy­syn jobalardy júzege asyrýda jumyldyrýǵa múmkindik beredi. Onyń bir tıimdi tusy jobalardyń júzege asyrylý barysynda qym­battap ketpeýine septigin tıgizedi. Mine, osyndaı tıimdi tetikter zań jobasynan kórinis tapsa deımin. Sonymen qatar, otandyq kásip­oryndardyń paıdaly ónimder shy­ǵarýy, olardyń shetelderde sa­ty­lýy úshin barlyq jaǵdaılardy qa­ras­tyratyn normalar zańdyq qu­jattan oryn tabýy tıis. Bıyldyń ózinde 200-deı kásiporyn ashylsa, solardyń ónimderi shetelge shy­ǵa­tyn­daı deńgeıde bolǵany jón. Árı­ne, olardyń barlyǵynyń ju­mysy qadaǵalanyp otyrǵany oryndy. Qaırat IShANOV,Senattyń Qarjy jáne bıýdjet komıtetiniń tóraǵasy.