Qazaqstan Táýelsizdiginiń 20 jyldyǵy qarsańynda Parlament Májilisiniń depýtaty, «Nur Otan» HDP fraksııasy tóralqasynyń Májilistegi múshesi Maıra Aısına Chernobyl AES-indegi apatty joıýǵa qatysýshylar men Aqmola oblysy Zerendi aýdanynyń zeınetkerlerin elordaǵa shaqyrǵan edi.
«Bul adamdar – meniń ómirimniń bir bólshegi! Men sol jerde týyp-óstim. Olardyń árqaısysy ata-anammen birge ne ózderi ne olardyń jaqyndary meniń adam qataryna qosylýyma qolushyn berdi. Meniń jetken tabystarym – olardyń tabystary! Sondyqtan olardyń ómirine az da bolsa ózgeris ákelip, azǵantaı serpin qosýǵa umtylamyn. Bizdiń elordamyz arqyly elimizdiń jetistikterin kórsin. О́ıtkeni, olardyń óz betimen kelip, Astanany kórýine múmkindikteri joq», deıdi depýtat.
«Báıterekti» kórý, Aqordany, Táýelsizdik saraıyn, Beıbitshilik jáne kelisim saraıyn tamashalaý ardagerlerdiń armany eken. Búgin sol armandaryna jetti. Atalǵan sapar, sondaı-aq ardagerlerge Qazaqstan Respýblıkasy Tuńǵysh Prezıdentiniń Murajaıyna ekskýrsııa jasap, elordanyń qalyptasý tarıhyna úńilip, kún saıynǵy kúıbeń tirshilikten arylýyna ári elimizde jasalyp jatqan ıgi isterge asa mańyzdylyqpen sholý jasaýyna múmkindik berdi.
Osy joly Astanaǵa kelgen árbir adam eń úlken qurmetke laıyq. Olar kezinde búgingi táýelsiz Qazaqstan úshin aıanbaı eńbek etti. Olar elimiz jetken jetistiktiń qandaı baǵaly ekendigin biledi. Sondyqtan kelgenderge alǵys aıtyp, olar úshin qandaı da bolmasyn jaǵymdy, paıdaly is jasaý árkimniń boryshy dep bilemiz.
Májiliste bolǵan kezdesýge depýtattar Nurtaı Sabılıanov, Jeksenbaı Dúısebaev, Natalıa Gellert qatysyp, ardagerlerge aýyz sý, mektep, áleýmettik máselelerge qatysty áńgimelep berip, eńbekpen qamtý baǵdarlamasynan habardar etti.
Iаhıden Shalbaev, Aǵaıdar Isın, Turlybek Kenjeǵalın, Torǵyn Hasenova sııaqty ardagerler oılarymen bólisip, memleket tarapynan ózderine jasalyp otyrǵan qamqorlyqqa rızashylyqtaryn bildirdi.
Sáýle DOSJANOVA, jýrnalıst.
--------------------------------------
Sýretti túsirgen Saılybaı MAILYBAEV.