Jańashyldyqtan jaqsylyq mol

Astanada «Qazaqstan temir joly» ulttyq kompanııasy» AQ bas ǵımaratynda «Oı-óristen – órken­deýge» atty ınnovasııalyq forým ótti. Oǵan barlyq jol bólimsheleri, fılıaldar men enshiles kásiporyn­dardan 800-den astam delegat qa­tysty. Forým aıasyndaǵy kórmege óndiriske engizilgen rasıonalıza­torlyq eńbekter men tyń usy­nystar qoıyldy. Jıyn maqsaty – jańashylǵa óndiriste qolaıly ahýal ornatyp, árbir eńbekkerdiń jumys barysynda talantynyń barlyq qyryn ashýy­na, sol arqyly óndiris tıimdiligin arttyryp, shyǵyn kólemin azaıtýǵa umty­lysyna qoldaý kórsetý. «QTJ» UK» AQ prezıdenti Asqar Mamın kórmede temirjolshy rasıonalızatorlardyń ondaǵan jo­basymen, usynystarymen tanys­ty. Onyń barlyǵy temir joldyń ártúrli salasyn qamtıdy. Jańa­shyldardyń úzdikteri elimiz Táýel­sizdiginiń 20 jyldyǵyna arnalatyn «20 jyl qorytyndysy» 1-shi respýblıkalyq ınnovasııalyq forým baǵdarlamasyna engizilmek. Bıylǵy jyldyń segiz aıynda kom­panııa qorjynyna 770 ın­novasııalyq joba tússe, onyń 525-i óndiriske engizilgen. Ol arqyly 111 mıllıon teńge únemdelipti. Kompanııanyń bas ınjeneri Ba­ýyrjan Orynbasarov búgingi tańda QTJ qorjynynda 14 ın­nova­sııa­lyq jobanyń qaralyp jatqandy­ǵyn aıtsa, onyń tórteýi noý-haý tehnologııa­lyq jobalary bolyp tabylady eken. Kompanııada ın­nova­sııa­lyq ıdeıalar­dyń aqparat­tyq ınkýbatory «4I avtomattan­dyrylǵan júıesi» engizilýde. Bul ınkýbator arqyly eńbek­kerlerdiń ıdeıalary, usynystary jınaq­talyp, óńdelip, saraptaýdan ótki­ziledi. Bul aqparattyq ınkýbatorda qarapaıym eńbekkerden bastap kompanııa prezıdentine deıin ınternet arqyly korporatıvtik jeli júıe­simen tanysa alady. Bas ınjener kompanııada kadrlar biliktiligin jetildirýge zor mańyz berilip otyrǵan­dyǵyna da toqtaldy. Osy­ǵan oraı Astanada jylyna 15 myń maman kásibı-tehnıkalyq daıyn­dyqtan óte alatyn qazirgi zamanǵa saı jab­dyqtalǵan oqý ortalyǵy jasaqtalyp jatyr. Búginde Astanada «Evolıýshn» se­rııasyndaǵy qazirgi zamanǵy teplovozdar shyǵarylyp jatsa, halyqara­lyq О́zen – Túrkimen­s­tan­men memlekettik shekara jáne Jetigen –Qorǵas temir jol jelileriniń qurylysy júrgizi­lýde. Ulttyq kompanııa jańashyl temir­jol­shylardyń usynystary men rasıo­nalızatorlyq eńbekterin óndi­ris­ke batyl engizýge baǵyt ustanǵan. Ábdirahman QYDYRBEK.