Jol-kólik oqıǵalaryn týyndatatyn negizgi buzýshylyqtarǵa qatysty aıyppuldardy tómendetýdiń qajeti joq. Bul týraly búgin Parlament Májilisiniń jalpy otyrysy barysynda tilshiler saýalyna jaýap berý kezinde Ishki ister mınıstri Qalmuhanbet Qasymov málim etti, dep habarlaıdy QazAqparat.
«Jol erejesin buzýǵa qatysty aıyppuldardy joǵarylatý tájirıbesi aıasynda erejeni buzý faktileriniń azaıǵanyn baıqap otyrmyz. Atap aıtqanda, talap kúsheıtilgen baǵyttarda, ıaǵnı qarsy jolaqqa shyǵý, jyldamdyqty asyrý turǵysynda oń kórsetkishter bar. Sondyqtan da osy quqyq buzýshylyqtardyń túrleri úshin aıyppuldardy tómendetý qajettigin kórip turǵanym joq. Al basqalary boıynsha qarastyryp kórýge bolady»,-dedi mınıstr. Qasymovtyń sózine qaraǵanda, keıbir ereje buzýshylyqtar boıynsha talqylaý júrgizý múmkindigi bar. «Al jol-kólik oqıǵalaryn týyndatatyn, aýyr saldarǵa alyp keletin negizgi buzýshylyqtarǵa qatysty ózgerister engizýdi jón dep sanamaımyn», – dedi mınıstr.