Elimizdiń 100-den astam startapshysy Seedstars World baıqaýyna qatysýǵa nıet bildirdi. Bul týraly Ortalyq kommýnıkasııalar qyzmetinde «Tehnologııalyq startapty damytý jáne kásipkerlikti qoldaý» taqyrybynda ótken brıfıng barysynda MOST bıznes-ınkýbatorynyń negizin qalaýshy Pavel Koktyshev málim etti.
«Bir aı ishinde qazaqstandyq jobalar arasynda irikteý júrgizildi. Elimizdiń barlyq óńirinen barlyǵy 100-den astam ótinim tústi, onyń ishinen iriktelgen 10 startap konferensııa barysynda tanystyrylady. Nátıjesinde sarapshylar bir qazaqstandyq jobany tańdap, ol ózge de álimdik startaptarmen bas júldege talasatyn bolady. Aqtyq saıys 2017 jylǵy 6 sáýirde Shveısarııanyń Lozanna qalasynda ótedi. Startap baıqaýynyń syılyq qory 1 mln dollardy quraıy», – dedi P.Koktyshev.
Aıta keteıik, óńirdegi startap-ekojúıeni damytý maqsatyndaǵy Seedstars World baıqaý-konferensııasy 3 jeltoqsan kúni Astana qalasynda ótedi.
Jobanyń maqsaty - damýshy elderde jumyssyzdyq deńgeıin tómendetý arqyly tehnologııalyq jáne ınnovasııalyq kompanııalarmen jumys oryndaryn qurý jáne kásipkerlikti damytý.
Aıdar О́risbaev,
"Egemen Qazaqstan".