Qazaqstanda Smart City salasynda ulttyq standarttar bekitildi, dep habarlady QR Investısııalar jáne damý mınıstrliginiń baspasóz qyzmeti.
Jańa standarttar qalany ortalyqtan basqarýdyń jańa múmkindikterine birdeı talaptar qoıady. Onyń ishinde qaýipsizdik pen qyzmettiń joǵary deńgeıi, energııa únemdeýdegi ınnovasııalyq sheshimder, turǵyn úı kommýnaldyq sharýashylyǵy, kólik, bilim berý, densaýlyq saqtaý, ekologııa, aqparattyq tehnologııalar bar.
Bul standarttardy atqarýshy bılik basshylary qalany basqarý saıasatyn anyqtaýda eskerýleri qajet.
"Smart City jobasyn damytý úshin qajetti ınnovasııalyq tehnologııalardy engizip, olardy damytýda standarttaý mańyzdy orynǵa ıe. Ol "aqyldy qalanyń" barlyq prosesin qamtıdy. Iаǵnı, ǵımarat qurylysynan, ınfraqurylymnan, kólik basqarmasynan bastap qalanyń basqa da basqarý elementterine deıin osy standarttar eskerilýi kerek", - dep habarlady QR Investısııalar jáne damý mınıstrliginiń tehnıkalyq baqylaý jáne metrologııa komıtetiniń tóraǵasy Birjan Qanashev. Onyń aıtýynsha, standarttar halyqaralyq tájirıbeni eskere otyryp anyqtalǵan.