Búgin «ASTEX Astana Smart City 2016» Halyqaralyq kórme-forýmynyń aıasynda «Astana» Halyqaralyq Qarjy Ortalyǵy, Aqparat jáne Kommýnıkasııalar Mınıstrligi jáne Astana qalasynyń Ákimshiligi О́zara yntymaqtastyq týraly úshjaqty Memorandýmǵa qol qoıdy.
Memorandým ınfraqurylymdyq jáne ınnovasııalyq jobalardy damytýǵa arnalǵan yntymaqtastyqty qamtıdy. Taraptar atap ótkendeı, qol qoıylǵan Memorandým aıasynda birikken ǵylymı-tehnıkalyq jáne jańa qarjylyq tehnologııalar aıasyndaǵy zertteý jobalaryn júzege asyrý múmkindikteri qarastyrylǵan.
Taraptar «Astana» Halyqaralyq Qarjy ortalyǵynyń bazasynda fınteh askeleratordy (zerthanalar, ınkýbatorlar) damytý boıynsha seriktesip jumys isteýge kelisti. Sonymen qatar, derekqordy úlestirý tehnologııalaryn (blokcheın tehnologııalary) paıdalaný jáne zertteý jumystary júrgiziledi.
AHQO Basqarýshysy Qaırat Kelimbetov, AHQO maqsaty qarjy qyzmeti salasyndaǵy yńǵaıly orta arqyly el ekonomıkasyna ınvestısııa tartýǵa yqpaldasý. AHQO negizgi baǵyttarynyń biri jańa qarjylyq tehnologııalardy damytý.
«Biz zamanaýı ınfraqurylym, zerthanalardy damytý, iri qarjylyq jáne tehnologııalyq kompanııalarmen yntymaqtasý arqyly qarjylyq tehnologııalyq jobalardy ózine tartatyn Ortalyq bolýdy maqsat tutyp otyrmyz»,- dedi Q.Kelimbetov.