Ierıhondaǵy Hısham saraıynyń edeni árqaısysy bir sharshy santımetr bolatyn 7 mıllıon mozaıka tastarymen kómkerilgen. Kóp jyldar boıy bul óner týyndysy qupııa saqtalyp, tek ótken aıda ǵana kópshilik nazaryna resmı túrde usynyldy, dep habarlaıdy CNN.
Bul jerdi eń alǵash 1935 jyly palestınalyq arheolog Dmıtrıı Baramkı men brıtan arheolog Robert Gamılton tapqan. Biraq jer erozııasynan saqtaý úshin tastar qum astynda jatqan.
Úsh aı boıy júrgizilgen qazba jumystarynan keıin tastardan geomertııalyq órnekter anyqtalǵan. Ol 900 sharshy metr jerdi alyp jatyr.
Palestına týrızm mınıstrliginiń Ierıhondaǵy bóliminiń bas dırektory Eııad Hamdannyń aıtýynsha, bul jobaǵa Japonııadaǵy halyqaralyq seriktestik agenttigi 12 mln dollar qarajat salǵan. Al bul jerdi kórmege aınaldyryp, tastardyń berik saqtalýy úshin qajetti jumystardy atqarýǵa 1,5 jyl ýaqyt kerek eken.
Bul mozaıka tastar ornalasqan Hısham saraıy b.z.b. 8 ǵasyrda salynǵan. Bir qyzyǵy, barlyq tastar birigip osyndaı ádemi birtutas óner týyndysyn quraıdy.
Hısham saraıy Palestınadaǵy týrıster eń kóp baratyn jerlerdiń biri. Biraq osy tastar ashylǵaly bul jerdiń týrızmi de artypty. Buryn aı saıyn 1000 týrıst kelse, bir aıdyń ishinde bul kórsetkish 6 myń adamǵa jetken.