Astanada Qazaqstannyń arbıtraj palatasy quryldy. Palatanyń alǵashqy quryltaı sezi Ádilet mınıstrliginde ótti.
«Jańa qoǵamdyq uıym elimizdegi arbıtrlerdi úzdiksiz qyzmet etetin uıymǵa biriktirip otyr. Bul kommersııalyq emes uıym bizde alǵash ret quryldy. Sonymen qatar, xalyqaralyq arbıtraj uıymdarymen baılanysty tereńdetýge yqpal jasaıdy. Arbıtraj palatasynyń qurylýy eldegi otandyq arbıtrajdyń damýyn jańa deńgeıge kóteredi», – dedi Ádilet vıse-mınıstri Záýresh Baımoldına.
Qazaqstannyń arbıtraj palatasy xalyq arasynda aqparattyq-túsindirý jumystardy júrgizip, zań shyǵarý prosesine jáne palata músheleriniń kásibı biliktiligin arttyrýǵa septigin tıgizedi. Azamattar daýlardy arbıtraj arqyly sheshýdiń joldaryn biletin bolady. Bul óz kezeginde sýdıalarǵa túsetin salmaqty azaıtpaq.
Palatanyń qurylýy otandyq arbıtraj ınstıtýtyn jańa deńgeıge kóteredi dep kútilýde. 2016 jyldyń 30 qarashasy Qazaqstan arbıtraj palatasynyń qurylǵan kúni retinde qalady.