Ekibastuz qalasynda «Jumyspen qamtýdyń jol kartasy 2020» baǵdarlamasy boıynsha 36 páterlik jataqhana ashyldy, dep habarlady
Jalpy alańy 3006 sharshy metrlik ǵımarat 172,2 mln teńge qarajatqa satyp alyndy.
Ishki saıasat bóliminen habarlanǵanyndaı, jataqhana «JJK 2020» baǵdarlamasy boıynsha jumys kúshin jumyldyrýdy arttyrý úshin adamdardy erikti túrde páterge ornalastyrý qaǵıdasyna sáıkes, «Jumys berýshiniń suranysy aıasynda oqytý jáne páterge ornalastyrý arqyly jumysqa ornalasýǵa járdemdesý» atty úshinshi baǵyt aıasynda ashyldy.
Búgin 36 ótinish berýshige kilt tabys etildi.
Ekibastuz qalasynda atalǵan baǵdarlamany iske asyrý kezeńinde aýyldan qonys aýdarýshylarǵa 110 páterlik kópqabatty eki turǵyn úı paıdalanýǵa berildi jáne 29 jasqa deıingi jastar jalpy alańy 1786 sharshy metr bolatyn 74 bólmelik bir jataqhananyń ıesi boldy.