Búgin, 30 qarasha kúni, Qyzylorda oblysy Qazaly aýdanyndaǵy Áıteke bı kentinde 150 oryndyq aýdandyq aýrýhananyń irgetasyn qalaý rásimi ótti. Sharaǵa oblys ákimi Qyrymbek Kósherbaev qatysty.
- Sońǵy 3 jylda densaýlyq saqtaý salasyna bólingen qarjy 9 mlrd. teńgege ulǵaıyp, 2016 jyly 32 mlrd. teńgeni qurady. Qyzylordalyqtar 2013 jylǵa deıin sapaly medısınalyq kómek alý úshin Almaty nemese Astanaǵa sabylatyn. Qazir oblystyq medısınalyq qyzmet túrlerin senimdi túrde paıdalanýda. 2014 jyly qyzylordalyq dárigerler respýblıkada tórtinshi bolyp búırek aýystyrý otasyn jasady. Táýelsizdik jyldarynda densaýlyq saqtaý salasy boıynsha oblysta - 109, onyń ishinde sońǵy 4 jylda 47 nysan boı kóterdi. Negizinen olar – aýdandyq, aýyldyq emhanalar men ambýlatorııalar,- dedi Q.Kósherbaev.
Bas merdiger «Kazstroıservıs» jaýapkershiligi shekteýli seriktestiginiń dırektory Rýslanbek Seıtmuratovtyń aıtýynsha, aýrýhananyń qurylysy 2017 jyldyń aıaǵynda tolyqtaı aıaqtalady.