...ZAŃ JOBASYNA TÚSINIK BERDI
Májiliste «Gendik-ınjenerlik qyzmetti memlekettik retteý týraly» zań jobasynyń tanystyrylymy bolyp ótti. Sonymen qatar, «Qazaqstan Respýblıkasynyń keıbir zańnamalyq aktilerine gendik-ınjenerlik qyzmetti memlekettik retteý máseleleri boıynsha ózgerister men tolyqtyrýlar engizý týraly» zań jobasynyń maqsaty da baıandaldy.
Al alǵashqy zań jobasynyń negizgi maqsaty – gendik-ınjenerlik qyzmetti memlekettik retteý jáne qazirgi zamanǵy bıotehnologııa ádisterin qoldana otyryp alynǵan genetıkalyq túrlendirilgen obektilerdi (GTO) alýmen, synaýmen, óndirýmen, paıdalanýmen jáne ótkizýmen baılanysty qoǵamdyq qatynastardy reglamentteý.
Otyrysta zań jobasy boıynsha túsinik bergen Bilim jáne ǵylym mınıstriniń orynbasary M.Orynhanovqa depýtattar suraqtar qoıyp, óz usynystaryn alǵa tartty.
Asqar TURAPBAIULY. Astana.
* * *
...BASQARMANYŃ JAŃA BASTYǴY TANYSTYRYLDY
Keshe Qostanaıǵa Memlekettik qyzmet isteri jónindegi agenttiktiń tóraǵasy Álıhan Baımenov keldi. Ol agenttiktiń aýmaqtyq basqarmasynda bolyp, ujymmen jáne tártiptik keńes múshelerimen kezdesti. Aldymen ujymǵa osy basqarmanyń jańa bastyǵy Asqar Shomanovty tanystyrdy. Onyń tártiptik keńes tóraǵasy bolyp tabylatyny da belgili.
Álıhan Baımenov munan keıin Qazaqstan Respýblıkasyndaǵy memlekettik qyzmettiń jańa modeli tujyrymdamasynyń negizgi erejelerine toqtaldy. Memlekettik qyzmet sapasynyń jaqsaryp, qyzmetkerler biliktiliginiń artýy úshin osy kezge deıin oryn alyp kelgen, tipti, jeń ushynan jalǵasýǵa bastaıtyn kóptegen formaldylyqtardan arylý kerektigin aıtty.
Názıra JÁRIMBETOVA. Qostanaı.
* * *
...«INDÝSTRIALNAIа KARAGANDA» GAZETINE 80 JYL TOLDY
Osynshama ýaqyt buryn «Bolshevıstskaıa kochegarka» ataýymen alǵashqy nómiri jaryqqa shyǵyp, sodan soń «Sosıalıstıcheskaıa Karaganda», beride «Indýstrıalnaıa Karaganda» bolyp ózgertilgen qaraǵandylyq orys tildi oqyrmandardyń súıikti bul basylymy aımaq shejiresiniń aınasy sanalyp keledi.
Gazettiń mereıtoıyna baılanysty oblys ákimi Serik Ahmetov keshe redaksııa ujymymen kezdesip, eleýli oqıǵamen quttyqtady. Baıyrǵy jýrnalıster Ekaterına Kýznesova, Valerıı Sabın jáne birneshe tilshi oblys ákiminiń Qurmet gramotasymen marapattaldy.
Redaksııaǵa jeńil kólik tartý etildi.
Aıqyn NESIPBAI. Qaraǵandy.