Qarshyǵa ustaımyn dep qolǵa tústi

Jýyrda Aqtóbe obly­sy­nyń Shalqar aýdanyna qa­ras­ty Ashybulaq óńirinen Sı­rııa Respýblıkasynyń aza­maty qolǵa tústi. Polıseıler aldyn ala tergeý barysynda sheteldik azamat pen Almaty oblysynyń Eńbekshiqazaq aý­danyndaǵy Baıseıit aýyly­nyń 21 jastaǵy turǵynynyń zańsyz ańshylyq jasap júr­gendigi anyqtaldy. «Ohotzooprom» mekemesiniń qyzmetkerleri dalaly jerde «Mı­sýbısı peıdjero» avtokó­li­gin toqtatqan. Kúdik týǵyzǵan jan­dar Shalqar aýdandyq ishki ister bólimine jetkiziledi. Tár­tip saqshylary tekserý jumys­tar­yn júrgizip, 48 jastaǵy sı­rııalyq azamattyń jáne almaty­lyq jas jigittiń eshqandaı ruq­sat qaǵazsyz qus aýlap júrgen­di­g­in anyqtaǵan. Sırııa azamaty elimizge jumys vızasymen kelip, emin-erkin saıatshylyq qurypty. Zańsyz ań aýlap júrgen kúdik­ti­lerden polıseıler 12 jabaıy kó­gershin men 1 qarshyǵany tár­ki­ledi. Sonymen qatar, ustalǵan seziktiler kóliginiń ishinen 13 qus tomaǵasy men 190 qus qamaı­tyn tor tabyldy. Tabıǵat qorǵaý já­ne veterınarlyq polısııa bó­limi qyzmetkerleriniń aıtýynsha, zań­syz ańshylyq saldarynan mem­le­ketke 1 mıllıon 150 myń teń­ge shyǵyn kelgen. Qazirgi tańda osy fakty boıynsha QR Qyl­mys­tyq Kodeksiniń 288-shi «Zańsyz ań aýlaý» babyna sáıkes qyl­mys­tyq is qozǵalyp, tergeý-tekserý amal­dary júrgizilip jatyr. Mádı QÝANYShULY. Aqtóbe oblysy.