Budan keıin Nursultan Nazarbaev bylaı dedi. «Álemde barlyq nárse jumysshy qolymen jasalady. Biz kompıýter aldynda otyrmyz. Alaıda, astyq sebetin, jınaıtyn, nan pisiretin, temir qorytatyn – jumysshylar. Olar mashına júrgizedi, úılerdi salady, jóndeıdi, zaýyttar turǵyzady. Meniń aıtpaǵym, kez kelgen ekonomıka jumysshylardyń arqasynda damıdy. Sondyqtan jumysshy jastarǵa qurmet kórseteıik».
Memleket basshysy jeti jyl buryn bastalǵan «Dıplommen aýylǵa» baǵdarlamasy týraly áńgimeledi. «Bári aýyldan qalaǵa qonys aýdarǵan kezder boldy. Bul búkil álemde bar prosess: úlken qalalar adamdardy ózine tartady. Alaıda, bizdegi jaǵdaı basqasha. Qunarly jerleri, 40 mıllıon gektar egis alqaby, 290 mıllıon gektar jaıylymdyq jerleri bar Qazaqstan búkil álemdi organıkalyq ónimdermen qamtı alady. Turǵyndar sany ósip keledi, aýylsharýashylyǵy ónimderine suranys ósken ústine óse beredi. Iаǵnı aýyl sharýashylyǵyna suranys ta ulǵaıa beredi. О́ıtkeni, qalaı bolǵanda da, adamǵa árqashan kúnine úsh mezgil tamaq ishýi kerek. Osy sebepti bizde aýyl sharýashylyǵynyń bolashaǵy zor» dedi Prezıdent.