Densaýlyǵymyz óz qolymyzda

Táýelsiz elimizdiń basty  us­­ta­nymy – qoǵam músheleriniń jaı­mashýaq ómirin, alańsyz tirshiligin qamtamasyz etý. Qoǵa­m­nyń qýat­tylyǵy da osynda. Ási­rese, sa­lamatty ómir saltyn qa­lyp­tas­tyrý memlekettik saıasat­tyń negizgi dińgegi sanalady. Bul baǵyt­ta­ǵy jappaı qozǵalys 1999 jylǵy 25 qyrkúıekte «HHI ǵa­syrda – bar­shaǵa densaýlyq!» ura­nymen bas­talǵan edi. Sh­a­rapatty shara jyl saıynǵy óz­indik ataýymen túr­lenip, úzdiksiz jalǵasyp keledi. Jaqynda uıymdastyrylǵan bıylǵy buqaralyq shara «De­ne­shynyqtyrý jáne sport – ult den­saýlyǵynyń kepili» uranyn kó­ter­di. Alaýy, ádettegideı, Aby­laı han alańynan mazdaq alǵan sala­mattylyq merekesiniń salta­na­tyn ashqan Kókshetaý qala­sy­nyń ákimi Munarbek Batyrhanov «Prezıdenttik mılıanyń» jappaı júgi­risin ózi bastap berdi. Al­dyń­ǵy sapta sport ardageri Ábdi­rahman Ábdiráshıtov pen «Bola­shaq bizdiń qolymyzda» jastar qo­ǵamdyq uı­ymynyń jetekshisi Janat Ja­qy­pov 1600 metrlik má­re­den kórinip, ózgelerge úlgi kórsetti. Festıval sheńberinde oblys­tyq «Birlik» spartakıadasy ótki­zildi. Oǵan memlekettik mekemeler men uıymdardyń qyzmet­ker­leri, joǵary jáne orta arnaýly oqý oryndarynyń stýdentteri qa­tysty. Sondaı-aq, «Jastar» jáne «Iýbıleınyı» stadıonda­ryn­da, saıabaqtarda, Buqpa taýy­nyń baý­raıynda, qala aýmaǵyn­daǵy Kras­nyı-Iаr kentinde jappaı júgiris­tiń býy burqyrap tur­dy. Mara­fonǵa qatysýshy 17 my­ńnan astam adamynyń biri – qala­lyq pro­ký­ratýranyń ókili Aqyl­bek Sma­ǵu­lov mańyzdy sharany úshinshi jyl qatarynan nasıhattap júr­se, gýmanıtarlyq-tehnı­ka­lyq lı­seı­diń oqýshysy Janar Dúıse­no­va búkil synybymen birinshi ret jarys jolyna shyǵypty. Baqbergen AMALBEK, Kókshetaý.