A.Pýshkın atyndaǵy Shyǵys Qazaqstan oblystyq kitaphanasynda Tuńǵysh Prezıdent kitaphanasynyń oqý zaly ashyldy. Atalǵan sharaǵa oblys ákiminiń orynbasary Ásem Núsipova, oblystyq ishki saıasat basqarmasynyń basshysy Erjan Sembınov, «Qazsınk» JShS turaqty damý jónindegi basqarýshy dırektory Andreı Lazarev, oblystyq ardagerler keńesiniń tóraǵasy Aıtqazy Sherýbaev, QMDB О́skemen óńiri boıynsha ókil ımamy Ermek Muqataı, Qazaq-Amerıka erkin ýnıversıtetiniń prezıdenti Erejep Mámbetqazıev jáne óńirdiń zııaly qaýym ókilderi qatysty.
Elbasynyń jasampaz ıdeıalary men bastamalaryn nasıhattaýdy, óskeleń urpaqty memleketshildikke baýlyp, patrıottyq tárbıe berýdi kózdeıtin oqý zalyna kelýshiler Astanadaǵy Elbasy kitaphanasyndaǵy qor materıaldaryna onlaın rejiminde qol jetkize alady. Sonymen birge, Tuńǵysh Prezıdent kitaphanasy arqyly ǵylymı ári bilim berý maqsatynda oqý zaly álemdik baspalardyń lısenzııalyq derekqorlaryna qoljetimdilikti de qamtamasyz etedi. Tuńǵysh Prezıdent kitaphanasy atalǵan oqý zalynyń ashylý saltanatyna oraı Elbasy kitaptarynyń arnaıy toptamasyn syıǵa tartty.
A.Pýshkın atyndaǵy Shyǵys Qazaqstan oblystyq kitaphanasynyń dırektory Qabıba Aqjigitovanyń aıtýynsha, atalǵan oqý zaly oqyrmandardyń Tuńǵysh Prezıdent kitaphanasymen baılanys jasaıtyn óńirlik keńistigi bolmaq. Munda aqparattyq jáne ádistemelik semınarlar, ǵalymdarmen, zertteýshilermen kezdesýler, onlaın dıalogtyq alańdar, pikirtalastar sııaqty kóptegen sharalar uıymdastyrylatyn bolady. Iаǵnı, oqý zaly Tuńǵysh Prezıdent kitaphanasymen birlese otyryp, jastardyń saıası mádenıetin, áleýmettik daǵdysyn qalyptastyrýǵa, jas kadrlar rezervin daıyndaýǵa yqpal etedi, dedi Qabıba Myrzaqanqyzy.
Jobaǵa demeýshilik kórsetken «Qazsınk» JShS zamanaýı tehnıkalyq quraldarmen jabdyqtap, ınternet qyzmetimen qamtamasyz etý jáne qashyqtyq qyzmetin paıdalanýdy qarjylandyrsa, «Oreol LTD» fırmasy oqý zalyna memlekettik rámizder alýǵa kómek berdi.
Dýman ANASh,
«Egemen Qazaqstan»