Shyǵysqazaqstandyqtar tuńǵysh Prezıdent kúnin shat-shadyman kóńil-kúımen atap ótti. О́ńir basshysy Danıal Ahmetov oblystyq drama teatrynda ótken saltanatty jıynda turǵyndardy ataýly merekemen quttyqtap, búgingi Qazaqstannyń qalyptasýy men damýyndaǵy Elbasy Nursultan Nazarbaevtyń tarıhı tulǵasyna toqtaldy.
– Memleket basshysy Qazaqstannyń keleshegi úshin tarıhı jaýapkershilikti ala otyryp, eldi jańartýda halyqtyń ómir súrý sapasyn jaqsartýǵa baǵyttalǵan aýqymdy ekonomıkalyq jáne áleýmettik reformalardy júzege asyrdy. Elbasynyń halyq pen memleket ıgiligi jolyndaǵy belsendi qyzmeti Otanǵa qyzmet etýdiń jarqyn úlgisine aınaldy, – dedi D.Ahmetov.
Saltanatty jıyn óńir turǵyndarynyń «Astana opera» teatrynyń ánshileri A.Karımova, M.Chotabaev jáne Qazaqstannyń eńbek sińirgen ártisi Vıacheslav Tkach, Qazaqstannyń halyq ártisteri, aǵaıyndy Abdýllınder atyndaǵy Shyǵys Qazaqstan óner ýchılıshesiniń akademııalyq hory, «Inkoro», «Allegro» toptary men «Pırýet», «Jastar» horeografııalyq ansamblderiniń qatysýymen ótken «Bir el – bir taǵdyr» atty merekelik konsertti tamashalaýymen jalǵasty.
Shyǵys óńirinde Tuńǵysh Prezıdent kúnine oraı 150-den astam shara ótti. Mazmundy baǵdarlama aıasynda qysqy sport túrlerinen keshendi jarystar uıymdastyryldy. Sonymen birge, О́skemendegi №7, №44 orta mektepterde hokkeı qorapshalary ashylsa, Komsomol aralynda «Shańǵy-2017» buqaralyq aksııasy, al Muz modýlinde hokkeıden «Juldyzsha» oıyndary ótti.
Dýman ANASh,
«Egemen Qazaqstan»