«Aqyldy qalanyń» artyqshylyqtary kóp

Astana qalasyndaǵy Oqýshylar saraıynda «ASTEX Astana Smart City-2016: «Baqytty ómir súrýge arnalǵan aqyldy qala» atty halyqaralyq forým-kórme ótti. Sharany elorda ákimdigi, Aqparat jáne kommýnıkasııalar mınıstrligi «Zerde» ulttyq aqparattyq-kommýnıkasııalyq holdıngi, «Astana Innovations» AQ jáne «Transtelekom» AQ birlesip uıymdastyrdy. Oǵan AQSh, Eýropa jáne TMD elderinen úsh júzden asa delegat qatysty. Jıyn qonaqtary aldymen «aqyldy qalanyń» negizin quraıtyn iri kompanııalardyń qyzmetterimen, ónimderi kórmesimen tanysty. Basqosýda Astana ákimi Áset Isekeshev sóz sóılep, elor­da ómirine dendep enip jat­qan zamanaýı jobalar, jańa baǵ­darlamalar týraly baıan­dady. «Memleket basshysy álem elderi búgingi tańda tez aýy­syp otyrǵan jańa ómir shyn­dyǵyna beıimdelý máse­lesine alańdaýly ekenin bir­neshe ret aıtqan bolatyn. Dıd­jı­taldandyrý jáne sıfrlandyrý dáýiri kele jatyr, ómirimizge sandyq tehnologııalar enýde. Qazirgi ýaqytta Prezıdenttiń birqatar tapsyrmalaryn jáne Ult josparyndaǵy 69-qadamdy eskerip, Astanada Eýrazııalyq keńistiktegi jahandyq qalany damytý kerek. Biz ózimiz úshin álemdegi me­ga­polıs ekonomıkasynyń qury­lymyna saı keletin on basym sektordy anyqtadyq. Jáne «Smart Astana» tujy­rym­damasyn ázir­ledik. Aqpa­rat jáne kommýnıka­sııalar mınıstrligi «Sıfrly Qazaq­stan» baǵdarlamasyn daıyn­dap, iske asyrýda. Endi Asta­nany qanatqaqty alańǵa aınal­dyr­maqpyz, sonymen birge usynylǵan barlyq baǵdar­la­ma­lardy iske asyrý úshin kúsh salamyz. «Smart Astana» boıynsha áleýmettik jáne ekonomıkalyq nátıje beretin jobalardyń alǵashqy qadamdary bastalyp ta ketti», dedi Áset Ise­keshev. Forým sessııasynda Aqparat jáne kommýnıkasııalar mı­nıstri Dáýren Abaev elimiz ýrbanızasııa deńgeıi boıynsha Ortalyq Azııada kósh bastap turǵanyn málimdedi. «Búginde qalalyq ómirdiń barlyq salalaryna aqparattyq júıelerdi engizý halyqtyń sapaly ómi­riniń ajyramas shartyna aınaldy. Búkil álemde ýrbanızasııa úderisi qarqyn alyp keledi. Birikken Ulttar Uıy­mynyń baǵalaýynsha, 2050 jylǵa qaraı álemdegi halyqtyń 70 paıyzy qalalarda turatyn bolady. Bul kólik jáne turǵyn úımen qamtý júıesinde qıyndyqtar týdyrýda, sondaı-aq, energııa­ny ońtaıly paıdalaný men qorshaǵan ortaǵa qamqorlyq tanytýdyń ózektiligi de artyp otyr. Osyndaı kúrdeli má­se­lelerdi sheshý aqyldy is-qı­myldy qajet etedi», dedi D.Abaev. Ol bul oraıda aqparattyq-kom­mýnıkasııalyq tehnologııalar sheshýshi ról atqaratynyn jetkizdi. Damyǵan elder postındýstrııalyq dáýir qalalaryn damytý úshin bul múmkindikterdi tolyqqandy paıdalanýda. «Aqyldy energetıka», tipti, «qaldyqtardy aqyldy basqarý» tárizdi sóz tirkesteri qazir eshkimdi tańǵaldyrmaıdy. Ha­lyq­aralyq málimetterge júginsek, aqyldy qalalarda ınternet qurylǵylarǵa qosylǵan tutynýshylardyń sany 2015 jylǵy 1 mıllıonnan 2018 jyly 3 mıllıardqa jetedi», de­gen mınıstr jahandyq ekono­mıka men tehnologııalyq na­ryqtan qalys qalmaý asa mańyzdy ekenin basa aıtty. «Qazaqstanda ýrbanızasııa deń­geıi 60 paıyzǵa jetedi jáne osy kórsetkish boıynsha biz Ortalyq Azııada kósh bastadyq. Bul úderistiń jarqyn úlgisi – jas astanamyz», dep túıindedi sózin D.Abaev. Shara barysynda «As­ta­na» ha­lyqaralyq qarjy or­ta­lyǵynyń basqarýshysy Qaırat Kelimbetov, «City Smart Up» negizin qalaýshy jáne basqarma múshesi Renato de Kastro, IDC «aqyldy qalalar» jahandyq baǵdarlamasynyń dırektory Rýg­bı Klark ómir súrý sapasyn jaqsartýǵa baǵyttalǵan smart-tehnologııalardyń ın­­nova­sııalyq damýyna qa­tys­ty má­selelerdi talqylady. Shetel­derden kelgen spıkerler sıfrlaýdyń perspektıvalary týraly jobalaryn tanystyryp, ózge de ózekti úderister jaıynda áńgimeledi. Sondaı-aq, forým sheńberinde «Úndeýler, perspektıvalar jáne standarttaý» taqyrybynda konferensııa uıymdastyryldy. Plenarlyq sessııadan keıin Astana ákimdigi men áriptester arasynda ınnovasııalyq sala­daǵy yntymaqtastyq jáne kásip­kerlikti damytý týraly bir­neshe memorandýmǵa qol qoıyldy. Ashat RAIQUL, «Egemen Qazaqstan» Sýretti túsirgen Erlan OMAROV, «Egemen Qazaqstan»