Qaraǵandy qalasynyń «Keń dala» shaǵyn aýdanynda 400 oryndy «Shańyraq» memlekettik balabaqshasy ashyldy.
«El Táýelsizdiginiń 25 jyldyǵy qarsańynda 400 balaǵa arnalǵan balabaqsha ashyldy. Balabaqsha qabyrǵasynda ónegeli ári estetıkalyq tárbıemen sýsyndaǵan bolashaq urpaǵymyz mektepke daıyndalady. Qazirgi tańda balabaqshalar tek bıýdjet esebinen ǵana emes, kásipkerlerdiń atsalysýymen de turǵyzylyp jatyr. Osyǵan deıin oblysta 27 jeke balalar baqshasy salyndy. Memleket basshysynyń 2020 jylǵa qaraı balalardy mektepke deıingi mekemelermen tolyqtaı qamtamasyz etemiz degen tapsyrmasyn oryndaıtynymyzǵa senimdimin», - dedi oblys ákimi.
N.Ábdibekov mektepke deıingi mekemege teledıdar men elektrondy pıanınony syılady. Balabaqshanyń ashylýy 80-nen astam adamdy jumyspen qamtamasyz etedi. Budan bólek, «Shańyraq» ishinde ata-analarmen shuǵyldanýǵa arnalǵan «Anamnyń mektebi» ortalyǵy ashyldy.