Ybyraı Altynsarınniń týǵanyna 175 jyl tolýyna oraı onyń Qostanaı qalasynyń irgesindegi kesenesi qaıta salynatyn bolady. Bul jóninde oblys ákimi Arhımed Muhambetov stýdent jastarmen kezdesýinde málimdedi.
Kemeńger aǵartýshynyń oblysta birneshe shaǵyn bıýsteri bar, biraq eńseli eskertkishi oblys túgel respýblıka kóleminde joq. Biraq Arhımed Begenjaulynyń aıtýynsha, qazir aǵartýshynyń eskertkishinen buryn oblystaǵy kesenesi men memorıaldyq mýzeıi jańǵyrtý, jóndeý jumystaryn qajet etip tur. Sondyqtan bıýdjetten bólinetin qarjyǵa birinshi orynda osy jumystardy atqarý tıimdi dep eseptelip, Ybyraıdyń kesenesin qaıta salý kerek dep sheshildi. О́ıtkeni 1992 jyly salynǵan kesene tozǵan. Sol aýmaqty – keshendy tolyq jańǵyrtý kerek. Qazir Ybyraı súıegi jatqan Qostanaı aýdanynyń ákimi Qaırat Ahmetov keseneniń jobasyn syzatyn arhıtektorlarmen jumys júrgizýde, keler jyly onyń smetalyq qujattary jasalady. Eger qujattar tegis daıyn bolsa qurylys keler jyly salynady, úlgermese ony 2018 jyly bitiretin bolady. Oblys ákimi eskertkish týraly sóz odan keıin ǵana qozǵalatynyn aıtty.
Názıra Járimbetova, "Egemen Qazaqstan".