Bıyl alǵash ret Biryńǵaı dıstrıbıýtor tegin medısınalyq kómektiń kepildik berilgen kólemi (ári qaraı - TMKKK) aıasynda dárilik zattar men medısınalyq maqsattaǵy buıymdardy satyp alý aldyn ala ótkizildi.
«1 jeltoqsandaǵy jaǵdaı boıynsha 2017 jylǵa qajettilikten berilgen ótinimderden 95 paıyzy satyp alyndy, al qalǵan 5 paıyzdyq bóligi boıynsha jyldyń sońyna deıin iske asyrylady. Aldyn ala únemdeý 10 mlrd teńgeni qurady»,– delingen Densaýlyq saqtaý jáne áleýmettik damý mınıstrliginiń málimetinde.
2017 jylǵa «SK Farmasııa» JShS respýblıkanyń 1115 medısınalyq uıymdary úshin barlyǵy 113,2 mlrd teńgege dárilik zattar men medısınalyq maqsattaǵy buıymdar satyp alady. Keler jylǵa satyp alynǵan 896 preparattyń ishinen 462-si, ıaǵnı 51,56% – otandyq ónim. 2010 jyldan beri qazaqstandyq qamtýdyń kólemi 6 esege artty, al ótken jylmen salystyrǵanda 5 mlrd. teńgege artty.
Aıta keteıik, Biryńǵaı dıstrıbıýtor 15 qarashada TMKKK aıasynda dári-dármekterdiń 2016 jylǵa arnalǵan jyldyq qajettiligin 100 paıyz kóleminde merziminen buryn medısınalyq uıymdarǵa jóneltti.