Almatydaǵy «Dástúr» baspasynan Táýelsizdikke arnalǵan árqaısysynyń kólemi 40 baspa tabaqtan turatyn eki birdeı kitap jaryqqa shyqty.
Alǵashqysy – «Táýelsizdik tolǵaýy», ekinshisi «Hranıtelı sokrovennogo» dep atalatyn kitaptardyń avtory, kórkemsóz sheberi, Qazaqstan Respýblıkasy Memlekettik syılyǵynyń laýreaty, Mahmud Qashqarı atyndaǵy «Túrik álemine sińirgen asa zor eńbegi úshin» Halyqaralyq syılyqtyń laýreaty Sábıt Dosanov. «Táýelsizdik tolǵaýy» «Bul osylaı bolǵan» degen derekti áńgimemen ashylady. Avtor bul shyǵarmasynda Prezıdent N.Á.Nazarbaevtyń bastamasymen ómirge kelgen TMD jaıly baıypty baıandaıdy. «Kemeńgerlik qupııasy», «Ult baǵyna týǵan uly tulǵa», «Kóregendiktiń taǵy bir kórkem kórinisi» atty shyǵarmalarda Elbasynyń kóregendigi men halyqtyń eren eńbegi arqasynda táýelsizdik jyldary elimiz jetken jetistikter kórkem obraz, kelisti tilmen kestelengen.
«Hranıtelı sokrovennogo» kitabyna toptasqan «Prezıdent znaet chaıanııa lıýdeı», «Terrıtorııa mıra ı soglasııa», «Kýltýra – eto pasport nasıı» dep tizbektelgen kókeıkesti kósemsózderde avtor táýelsizdik jaıly tolymdy oı tolǵaıdy.
Qazaq, orys tilderinde jaryq kórgen qos kitaptaǵy shyǵarmalar – Táýelsizdik jyldarynyń kórkem shejiresi!
Aınash ESALI,
«Egemen Qazaqstan»