«Nur Otan» partııasy jergilikti fılıalynda oblystyq fılıal tóraǵasy, oblys ákimi Bolat Baqaýovtyń qatysýymen XXI eseptik-saılaý konferensııasy ótti. Konferensııa jumysyna «Nur Otan» partııasynyń hatshysy Natalıa Godýnova qatysty. Jıynda el Táýelsizdigi 25 jyldyǵynyń Deklarasııasyn qabyldaýdyń mańyzdylyǵy, elimizdiń ósip-órkendeýindegi Elbasy róli aıtyldy. Partııanyń oblystyq fılıalynyń 2015-2016 jyldary atqarǵan jumysy jaıynda aqparat bergen partııa fılıaly tóraǵasynyń birinshi orynbasary Ilıa Terenchenko fılıal qyzmetiniń basym baǵyty Elbasy júktegen mindetterdi júzege asyrý bolyp tabylady. Bul «Qazaqstan-2050» uzaq merzimdi strategııa, «100 naqty qadam» Ult jospary, «Nur Otan» partııasynyń «Qazaqstan-2021: Birlik. Turaqtylyq. Jasampazdyq» Saılaýaldy baǵdarlamasyna qatysty, – dedi.
Búginde oblystyq partııa uıymynda 63 785 múshe bar. Oblystyq fılıal qurylymy 13 aýmaqtyq fılıaldan, 407 bastaýysh partııa uıymy, sonyń ishinde 1000 adamnan astam múshesi bar 10 bastaýysh partııa uıymynan turady. Oblystyq partııa uıymynyń 41,2 paıyzyn ekonomıka salasynyń, qyzmet kórsetý, shaǵyn jáne orta bıznes pen sharýa qojalyqtary ókilderi, 24,7 paıyzyn áleýmettik sala mamandary quraıdy. Konferensııada partııanyń oblystyq fılıalynyń saıası keńesi men baqylaý-revızııalyq komıssııanyń jańa músheleri saılandy. Sonymen qatar, jergilikti fılıalda saılaýaldy platformanyń júzege asyrylý barysy, qoǵamdyq qabyldaýlardyń qyzmeti týraly da jan-jaqty sóz boldy. Konferensııa sońynda partııa hatshysy Natalıa Godýnova oblys ákimi Bolat Baqaýovqa «Belsendi eńbegi úshin» tósbelgisin tabystady.
Farıda Byqaı,
«Egemen Qazaqstan»
PAVLODAR