El ómirine yqpal etken sheshimder

respýblıkalyq konferensııaǵa ózek boldy Qaraǵandy memlekettik tehnıkalyq ýnıver­sıtetinde Qazaqstan Respýblıkasy Táýelsizdiginiń 25 jyldyǵyna arnalǵan «QR Tuńǵysh Prezıdenti N.Á.Nazarbaevtyń jańa Qazaqstandy qalyptastyrý boıynsha taǵdyrsheshti sheshimderi» atty IV respýblıkalyq ǵylymı-tájirıbelik onlaın konferensııa bolyp ótti. Konferensııa sheńberinde QarMTÝ-da Elbasy Nursultan Nazarbaevtyń tap­syrmasy boıynsha qu­ryl­ǵan ken-metal­lýrgııa kesheniniń metandy energetıka zerthanasy ashyldy. Tusaýkeser rásimine Qara­ǵandy oblysynyń ákimi Nur­muhambet Ábdibekov jáne konferensııanyń basqa da qurmetti qonaqtary qatysty. Zerthanany ashýdaǵy maqsat  kómir qabattarynan metan barlaý men alýdyń ǵylymı negizderin jasaý bolmaq. Ken-me­tallýr­gııa kesheniniń metandy ener­getıka zerthanasy  tas­kómir shógindileri qu­ra­mynan metan barlaý, Qa­ra­ǵandy basseıniniń kómir qabattarynan metan zertteý men óndirýdiń uzaq mer­zimdi keleshegin anyq­taı­tyn stra­tegııalyq baǵ­darlamanyń bir bóligi bolyp tabylady. Zerthana «Agilent Technologies» (AQSh), «Car­bolite Gero» (Uly­brıtanııa), «Eltra» (Italııa), «Retsch» (Germanııa), «Radwag», «Geokrak» (Polsha) sııaq­ty álemdik deńgeıdegi kompa­nııalardyń 140 mln teńge turatyn jabdyqtarymen qam­tamasyz etilgen. Qurmetti qonaqtar úshin Qaraǵandy memlekettik teh­nı­kalyq ýnıversıteti bo­ıynsha ekskýrsııa uıym­dastyrylyp, sonyń barysynda  olar «In­dýs­trııa­lyq-ınno­va­sııa­lyq da­­­mý baǵdar­lama­sy-2» (II­DMB-2) boıynsha ma­mandar daıarlaýmen shu­ǵyl­­danatyn ınjenerlik baǵyttaǵy ortalyqtardyń, qa­zaqstandyq dánekerleý ınstı­týtynyń, ınjenerlik beıindi zert­hananyń ju­mys­­tarymen tanysty. Konferensııada «Nur Otan» partııasynyń janyn­daǵy Jemqorlyqpen kúres jónindegi respýblıkalyq qoǵamdyq ke­ńes tór­aǵa­synyń birinshi oryn­basary O.Ábdi­kárimov, Par­lament Sena­tynyń áleý­mettik-mádenı damý jáne ǵy­lym komıtetiniń tór­aıy­my B.Áıtimova, N.Va­hıtova, Q.Oma­shev, Par­lament Sena­tynyń depýta­ty S.Ershov, professor, QazUJǴA akademıgi N.Drıjd jáne basqalar baıan­­damalar jasady. Qa­zaqstannyń 15 bazalyq jo­ǵary oqý ornynyń ókilderi onlaın rejimde baılanysqa qosyldy. Aıta ketý kerek, konferensııanyń jumysyna barlyǵy 10 myńnan astam adam qatysty. Sharanyń resmı bóligi aıaqtalar tus­ta konferensııaǵa qatysý­shylardyń Qazaqstan Res­pýblıkasynyń Prezıdenti Nursultan Ábishuly Nazarbaevqa Úndeýi jarııa­lanyp, ony kópshilik bir­aýyzdan qol­dady. Konferensııa sheń­berinde QarMTÝ-diń bas ǵıma­ratynda Qazaqstannyń kór­nekti qo­ǵam qaıratkeri, qa­zaqtan shyq­qan tuńǵysh zań magıstri, Alash­orda Úki­me­tiniń múshesi, zańger jáne etnograf Jaqyp Aqbaevtyń 140 jyldyǵyna arnalǵan «Azattyqtyń uzaq joly» atty dóńgelek ústel otyrysy ótti. Sharanyń aldynda, oǵan qaty­sýshylar Jaqyp Aq­baevtyń rýhyna taǵzym etip, onyń Qara­ǵandydaǵy eskert­kishine gúl shoqtaryn qoı­ǵan bolatyn. Konferensııa sońynda qa­rar qabyldanyp, úzdik baıan­damashylar arnaıy dıplomdarmen, alǵys hattarmen marapattaldy. Qaırat ÁBILDINOV, «Egemen Qazaqstan» QARAǴANDY