Anglııa qurama komandasynyń bas bapkeri bolyp qyryq alty jastaǵy Garet Saýtgeıt taǵaıyndaldy, dep habarlaıdy football.ua.
Aǵylshyn aıaq dop sharýashylyǵynyń basshylary resmı málimdeme jasap, endi Garet qyzmetke kiriskenin jarııalady. Jalaqysy da belgili. Saýtgeıt jylyna bir jarym mıllıon fýnt alatyn boldy. Kelisim 2020 jylǵa deıin. Demek, álemdik dop dodasynda ǵana emes, aǵylshyndar kezekti qurlyq birinshiligine de Saýtgeıttiń qol astynda jattyǵady. Garet shákirtteri keler jyldyń 22 naýryzynda Germanııamen joldastyq kezdesý ótkizedi. Bas bapker Ýeın Rýnı ulttyq qurama kapıtany bolyp qala beretinin de aıtypty.