Qazaqstanda 3 myńdaı BAQ tirkelgen, sonyń 84%-y gazetter men jýrnaldarǵa, 7 %-y aqparattyq agenttikterge, qalǵan úles elektrondyq BAQ-qa tıesili. Sonyń ishinde "Qazaq TV" telearnasy úsh tilde jıyrma tórt saǵat boıy búkil álemge habar taratady. Bul týraly búgin Aqparat jáne kommýnıkasııalar mınıstri Dáýren Abaev Parlament Májilisinde bolǵan "Úkimet saǵatynda" aıtty.
BAQ-ty qoldaý maqsatynda memleketten sýbsıdııa túrinde qoldaý kórsetiledi. Sonymen qatar gazetterdiń analıtıkalyq mazmunyn arttyrý kózdelýde. Ol úshin salalyq jýrnalıstıkany damytý qolǵa alynady. Sondaı-aq jýrnalısterdi túrli aýdıtorııaǵa baǵdarlaý (aýdandyq, oblystyq, respýblıkalyq, halyqaralyq) júıesi de júzege asyrylyp, "ekinshi surypty" jarııalanymdardy shekteý tájirıbesi júrgiziledi.
Habar taratýdyń sapasyn arttyrý maqsatynda sıfrlyq tehnologııaǵa kóshý 2019 aıaqtalady. Bıylǵy jyldyń aıaǵynan ol Mańǵystaý oblysynda qolǵa alynbaq.
Jaqsybaı SAMRAT, "Egemen Qazaqstan".