Taıaýda Bıll Geıts "Energetıkalyq koalısııa serpilisin" qurǵanyn habarlady. Oǵan 22 ınvestor kiredi. Qurmynda Mark Sýkerberg, Djordj Soros jáne Rıchard Bronson bar. «Koalısııa» jasyl energııamen aınalysatyn kompanııalardy qarjylandyrady. О́ziniń "Energetıkalyq ınnovasııa: olar ne úshin kerek jáne qalaı alýǵa bolady?" degen oıtolǵaýynda Geıts energetıka salasyndaǵy eń iri úsh ınnovasııany ataıdy.
1. Kún hımııasy: kún qýatyn otynǵa aınaldyrý. «Kún hımııasy» otyn alý úshin fotosıntez ádisimen jasalady. Geıts osy baǵyttaǵy Kalıfornııa tehnologııalyq ýnıversıtetiniń jasaǵan jumystardy oń baǵalap otyr. Jasandy fotosıntez arnaıy qurylǵynyń kún qýatyn sińirip alyp, odan sýtekti otyn alý arqyly jasalady. Bul tehnologııa kólik pen elektrenergetıkasynda keńinen qoldanylýy múmkin.
2. Aǵyndy batereıa: akkýmýlıatordyń jańa túri. Jasyl energetıkanyń eń basty máseleleriniń biri - qýatty saqtaý. Kún batady. Jel tynady. Al energııaǵa kúndiz-túni qajettilik bar. Osy máseleni sheshýdiń joly retinde aǵyndy batareıalar usynylýda. Olar ádettegi akkýmýlıatordan uzaǵyraq jumys isteıdi. Olardy aǵyndy dep ataýdyń sebebi - eki rezervýardyń arasynda aınalatyn suıyq elektrolıtterden quralady. Bul batareıalar ondaǵan jyldar boıy iske asady.
3. Kún boıaýy: kez kelgen jazyqtyqty kún batareıasyna aınaldyrady. "Kún boıaýy" kez kelgen jazyqtyqty kún batareıasyna aınaldyrady, - deıdi Geıts. Jer betindegi kez kelgen jazyqtyqty, úıdiń tóbesin, qabyrǵalardy, avtokólik korpýstaryn atalǵan tehnologııamen qaptaýǵa bolady. Ony daıyndaý da qıyn emes. Bar bolǵany jaryqdıodty qaptama men boıaý kerek.