Táýelsizdigimizdiń 20 jyldyǵyna oraı Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatry 10-14 qazan aralyǵynda Astana qalasyna gastroldik saparmen kelmek.
Sóıtip almatylyq ártister 5 kún boıy kórermender nazaryna 6 sahnalyq qoıylym usynatyn bolady. Olardyń beseýi eresekterge arnalǵan. Atap aıtqanda, Ǵabıt Músirepovtiń «Qozy Kórpesh-Baıan sulý» (rej. Janat Hadjıev) tragedııasy, Ermek Amanshaevtyń «Balkon» (rej. Saǵyzbaı Qarabalın) romantıkalyq ıllıýzııasy, Frıdrıh Shıllerdiń «Mahabbat pen ǵadaýat» (aýdarǵan Talǵat Temenov, rej. Roman Vıktıýk) tragedııasy, Mar Baıdjıevtiń «Tunshyqqan sezim» (aýdarǵan Raıymbek Seıtimetov, rej. Baltabaı Seıitmamytuly) qoıylymy, Shyńǵys Aıtmatovtyń «Teńiz jaǵalaı júgirgen tarǵyl tóbet» (ınssınırovkasyn jasaǵan jáne rej. Talǵat Temenov) spektakli.
Sonymen qatar, 11-14 qazan aralyǵynda kún saıyn saǵat 12.00-de ótetin «Naýryz-dýman» (rej. Murat Ahmanov) balalarǵa arnalǵan mýzykalyq-tanymdyq ertegi qoıylymdaryn tartý etpek.
«Egemen-aqparat».