Gravıýralar Qytaı mádenıetinen syr shertedi

Prezıdenttik mádenıet orta­ly­ǵy­­­nyń kórme zalynda dástúrli Qytaı grav­ıý­rasy kórmesiniń ashylýy ótti. Oǵan Má­denıet vıse-mınıstri Asqar Bóribaev, Prezıdenttik mádenıet orta­lyǵynyń dı­­rektory, professor Myr­zataı Joldasbekov, Qytaı Halyq Respýblı­ka­synyń elimizdegi Tótenshe jáne ókiletti elshisi Chjoý Lı, sondaı-aq kórmeni ta­masha­laý­ǵa kelgen jalpy jurtshylyq qatysty. Prezıdenttik mádenıet ortaly­ǵy­­nyń uıytqy bolýymen uıymdas­ty­ryl­ǵan bul kórmege qytaı halqynyń baı­lyǵy men dástúrlik tereńdigin kórse­te­tin nıanhýa gravıýralarynyń júzge jýyq túri qoıylǵan. Olardyń ishinde – «Perzenttik paryzdyń oryndalýy», «Ul­­­ ­balanyń 24 isi», «On kemshilik», «Jaý­yzdyń kartasy» syndy dú­nıeler bar. Mazmunyna qa­­raı gravıýralar (nıa­n­­hýa­lar) taqy­ryp­tyq toptarǵa bóli­ne­di. Bir tobyn ádebı shyǵar­­malardyń, ań­yz-mıf sıýjet­teri­niń kartı­nalary men teatral­­dyq nıanhýalar qu­ra­sa, endi birin dinı jáne sım­voldyq izgi-tilekter jazyl­ǵan sıý­jetter tolyq­ty­ra­dy. Son­daı-aq, tur­mystyq maz­mun­da­ǵy ósıetterge qu­ryl­ǵan nıanhýalar men peızajdyq já­ne sándik kartınalar taqyrypty asha túskendeı. Qytaıda jańa jyl orta ǵasyr­lardan bastap keńinen atalyp júrgen eń súıikti mereke bolyp sanalady. Mereke qarsańynda úıler túrli taqyryptaǵy kartınalarmen bezendiriledi eken. Alaı­da olardyń bastapqy maǵynasy izgi tilek tileý-tin. Sondyqtan da gravıý­ra­nyń bul erekshe janry «jańa jyldyq kartınalar» degen ataýǵa ıe bolypty. Bir aıta ketetin jaıt, gravıýra ja­saıtyndar óz sheberlikterin atadan ba­la­ǵa, bir býynnan ekinshisine bere oty­ryp, únemi jetildirip otyrǵan. Qytaı gravıýralarymen jaqynyraq tanysamyn degen áleýmet kórmeni 25 qyrkúıekke deıin kelip tamashalaı alady. Ábdirahman QYDYRBEK, Sýretterdi túsirgen Aǵybaı AIаPBERGENOV.