2017 jylǵy qysqy Ýnıversıada jarystary sporttyń 12 túri boıynsha ótedi.
Olardyń arasynda mynalar bar: – Bıatlon; – Taý shańǵysy; – Kıorlıng; – Konkımen jarysý; – Shańǵy qossaıysy; – Shańǵy jarysy; – Shańǵymen tramplınnen sekirý; – Snoýbord; – Mánerlep syrǵanaý; – Frıstaıl; – Shaıbaly hokkeı; – Short-trek.Saıystar qaıda ótedi?
Ýnıversıada baǵdarlamasyna engen jarystar 8 sport nysanynda ótedi: – «Shymbulaq» taý shańǵysy kýrorty; – «Medeý» muz aıdyny; – «Suńqar» halyqaralyq shańǵy tramplıni kesheni; – Balýan Sholaq atyndaǵy sport saraıy; – «Alataý» shańǵy jáne bıatlon kesheni; – «Tabaǵan» sporttyq oıyn-saýyq kesheni; – «Almaty-Arena» sport saraıy; – «Halyq-Arena» sport saraıy. Ýnıversıada jarystary oınalatyn 8 nysannyń ekeýi – «Almaty-arena» men «Halyq-arena» Ýnıversıada oıyndary úshin arnaıy salyndy. Buǵan qosa, qysqy Ýnıversıada tarıhynda alǵash ret Atletter qalashyǵy qatarǵa qosyldy. Barlyq jańa nysandardyń qurylystary aldyn ala belgilengen merziminen eki aı buryn aıaqtalyp, paıdalanýǵa berildi.Derek pen dáıek
* Qysqy Ýnıversıadaǵa 64 elden 2 000 sportshy keledi dep kútilip otyr. * Stýdentter oıyndaryna qyzmet kórsetý úshin elimizdiń barlyq aımaqtary men shet elderden 3 000 erikti kómekke keledi. * Oıyndardaǵy saıystardy tamashalaýǵa shet elderden 30 myń qonaq keletin bolyp otyr. * Ýnıversıada jarystary álemniń 80 eline kórsetiledi. Olardy bul elderde 1 mıllıardtan astam adam qyzyqtaıdy. * Ýnıversıadanyń bıýdjeti 17 mlrd teńgeni quraıdy. * Dúnıejúzilik qysqy Ýnıversıadany ótkizý jónindegi uıymdastyrý komıtetin Qazaqstan Premer-Mınıstriniń orynbasary Imanǵalı Tasmaǵanbetov basqarady. * Ýnıversıadany Qazaqstanda ótkizýdiń bastamashylyǵyn Halyqaralyq stýdenttik sport federasııasynyń (FISU) múshesi retinde Qazaqstan stýdenttik sport federasııasy atqardy. Qazaqstan ulttyq federasııasyn professor Qaırat Zakırıanov basqarady. * Almaty qalasynda Ýnıversıadany ótkizý jónindegi dıreksııa quryldy. Onyń basshysy bolyp Naıl Nýrov taǵaıyndaldy.