Aqsaı men Aral arasy

Berekeli Beıneýden keıin «Meniń Qa­­zaqstanym» úgit-nasıhat poıyzynyń sa­pa­­­ry Batys Qazaqstan ob­ly­­synyń Aqsaı, Qyzyl­­or­da oblysynyń Aral qa­lasynda jalǵasty. Aqsaı qalasynda aýdannyń ár túkpirinen densaýlyq saqtaý, qarjy, ádilet, bank salalary boıynsha keńes suraýǵa kelgen jurtshylyq al­dyna Batys Qazaqstan oblysy ákiminiń oryn­ba­sary Erbol Salyqov, Aral qalasynda aýdan ákimi Nájmádın Musabaev shyqty. Odan soń, poıyzdyń jolaýshylary óz ju­mys­taryn jalǵastyrdy. Aqsaı qalasynda Eń­bek jáne áleýmettik qorǵaý mınıstrliginiń ma­many Raýshan Kóshkimbekova jıyrmadan astam adamdy qabyldap, biraz máseleniń oń sheshilýine septigin tıgizdi. Máselen, ol búıregi aýy­ra­tyn 13 adam­­­nyń Aqsaı qalasynda emdelýine jaǵ­daı jasaý úshin qoldaý hat jiberdi. Bul adamdar osy kúnge deıin qan tazartý úshin Oral qalasyna barady eken. Al buǵan kóp adamdar shydamaıtyn kóri­ne­di. Sondyqtan olar aýdan ortalyǵynan qan ta­zartýdy uıymdastyrýǵa qol ushyn berýdi ótinip kelipti. Osy jerde Zárý О́tepbergenova degen Bestaý aýylynyń turǵy­ny­nyń máselesi de sheshildi. Ol endi 60 000 teńge aılyq alatyn eden jýýshy bolyp jumysqa ornala­sa­­tyn bol­­­dy. Sonymen birge, onda Bazarbaı Áli­­­kenovtiń baspanaly bolý, Qal­dy­gúl Asylbekovanyń dekretten keı­in eń­bek demalysyn alý týraly ótinish­­teri qanaǵattandyrylsa, zeınetkerler, Uly Otan soǵysynyń ardagerleri men múgedekter zeınet­aqy, járdemaqy alý úshin aýdandyq ju­myspen qamtý jáne áleýmettik baǵ­dar­lamalar ortalyǵynyń jany­nan jańadan zeınetaqyny tóleý jó­nin­degi memlekettik ortalyq sa­lyp berý týraly ótinish aıtty. Kezdesýde mınıstrlik mamany atal­­ǵan máseleni sheshýge tıisti or­gandarǵa qoldaý hat jiberetinin eskertti. Aral qalasynda bolǵan qa­byl­daýlarda da osyǵan uq­­­sas máseleler kóte­rildi. Munda zeınet jasyn azaı­tý, járdem­aqy­ny taǵaıyndaý, múge­dek­ter­­­diń mun-muqtajyn ortalyq memlekettik oryndarǵa jetkizý má­seleleri sóz bolyp, olarǵa jaýap berildi. Den­saýlyq saqtaý mınıstrliginiń maman­da­ry bolsa, buǵan deıin habar­­la­ǵa­ny­myzdaı, ár­­bir aıaldaǵan jerlerde 300-500-deı azamattardy qabyl­da­ǵan. Aqsaı qala­synda olardyń qabyl­daý­ynda 193 adam boldy. Sonyń ishinde 38 adam­nyń aýrýy anyqtalyp, olar­­ǵa tıisti kómek kórsetildi. Sodan keıin Aral qalasynda ót­ken kezdesýde de azamattardyń bar­lyq mun-muqtajy, talap-tilekteri es­keri­­­lip, olarǵa da túrli keńes berildi. Osy eki qalada turǵyndarǵa kardıolog Mu­rat Muqarov, nevropotolog Seńgelbaı Shekeı, kóz dárigeri Kúlbarshyn Tur­ma­sheva, endokrı­no­log Rahat Trımova, akýsher-gınekolog Berki Pirimbetov túr­­li taqyrypty keńes berse, poıyz qu­ramyna kómek kórsetýshi Aıdyn Mu­ra­­­­tov pen dárigerler tobynyń jetekshisi, Den­saýlyq saq­taý mınıstr­li­giniń bas sarapshysy Ernar Myr­za­qulov jurt­shy­lyq­qa uıymdas­ty­rý­shylyq ju­mys­taryn júr­gizý boı­ynsha kó­mek­terin kórsetip otyrdy. Merekelik poıyzdyń taǵy bir músheleri Ádilet mınıstr­li­giniń ókili Kenjebolat Baltabaev pen ulttyq banktiń ma­many Jánibek Ábdi­ǵa­zımov ta ózderine tıesili jumystardy laıyqty atqar­­ǵanyn aıtýǵa bola­dy. Munda zań jáne qu­qyq salasy boıynsha adamdar kóbine baspana, jer alý, ajyrasý má­selelerin aıtyp, quqyq or­gan­darynyń zańsyz áreketterine aryzdanyp kelse, qarjy máse­le­sin­de azamattar ómirdi, múlikti saqtandyrý, zeı­net­aqy jınaqtaý qorynan qaı­tys bolǵan adamnyń aqshasyn muragerlikpen alý, qar­jy­lyq daǵdarys kezinde alǵan nesıeni qaı­tarý sııaqty kóptegen máselelerdi qozǵap, tıisti jaýaptaryn aldy. Merekelik poıyzdyń músheleri búgin Aral qalasynda belgilengen jumystardy ári qaraı jalǵastyrady. Onda Astananyń ys­tyq sálemin Syr óńirine ákelgen Olımpıada chempıondary Ermahan Ybyraıymov pen Iýrıı Melnıchenko jas sportshylarǵa sheberlik klas­taryn kórset­se, Qazaqstannyń halyq ártisteri Nurǵalı Nú­sipjanov pen Altynbek Qorazbaev, «Báıterek» toby, «Gúlder», «Álqıssa» ansamblderi, án­shiler Baǵdat Sámedınova, Súleımen Ibragımov, Medet Shaıkelov, Evgenıı Shahraı jáne basqa da ónerpazdar qalanyń ortalyq alańynda óner kórsetpek. Dastan KENJALIN, Aral.