Ekijaqty kezdesýler ótkizdi

Burnaǵy kúni Qazaqstannyń Syrtqy ister mınıstri Erjan Qazyhanov Nıý-Iorkte birqatar ekijaqty kezdesýler ótkizdi, dep habarlady elimiz SIM-iniń bas­pasóz qyzmeti. Atap aıtqanda, BUU Bas hatshysynyń orynbasary – Afrıka jónindegi Arnaıy keńes­shisi, onsha damymaǵan jáne da­mýshy, shaǵyn araldy jáne teńiz­ge shyqpaıtyn memleketter jó­nin­degi Joǵarǵy ókili S.Dıarra Sheıkpen kezdesý ótkizdi. Áńgime barysynda taraptar 2013 jyly 10 jyl tolatyn kólik jáne tranzıt salasyndaǵy yntymaqtastyq jónindegi Almaty jobasynyń oryndalý úderisine qanaǵat­ta­natyn­dyqtaryn bildirdi jáne 2012 jyly Qazaqstanda teńizge shyqpaıtyn memleketterdiń saýda máseleleri boıynsha árekettesý jóninde joǵary deńgeıde mınıstrlik kezdesýin daıyndaý jumys­tary jaıynda oı bólisti. E.Qazyhanovtyń IYU Bas hatshysy Ekmeleddın Ihsan­oǵly­men kezdesýinde IYU-ny jańǵyr­týdaǵy birlesken tıimdi jumystar quptalyp, IYU-ǵa múshe memleketter syrtqy ister mınıstrleriniń jyl saıynǵy Nıý-Iorktegi kezdesýinde qarala­tyn máseleler sóz boldy. Palestına, Taıaý Shyǵys jáne Sol­tústik Afrıkadaǵy ahýal men Afrıkanyń asharshylyqqa ushy­raǵan elderiniń máseleleri qaras­tyryldy. Bul máseleler Qazaq­stannyń tóraǵalyǵymen ótken IYU Atqarýshy komıtetine múshe memleketter syrtqy ister mınıs­trleriniń beıresmı kezdesýinde de nazarda bolǵan edi. IýNESKO-nyń Bas dırektory Irına Bokovamen kezdesýinde otan­­dyq SIM basshysy jıyrma bes jyl júrgizilip kele jatqan sátti ynty­maqtastyqqa qanaǵat bildirip, alda­ǵy ýaqyttaǵy qa­rym-qatynastyń úlken áleýetin atap ótti. Ol I.Bokovaǵa Qazaq­stannyń IýNESKO sheńberin­degi bastama­laryna qoldaý kórsetip kele jatqanyna rızashy­lyǵyn jetkizdi. Mınıstr, sondaı-aq 2012-2022 jyldar­daǵy Halyq­ara­lyq máde­nıet­tiń 10 jyldyǵyna arnal­ǵan qazaqstan­dyq qarar joba­syna qol­daý bolatynyna senim bildirdi. Sol kúni E.Qazyhanov Indonezııa, Shrı-Lanka, Grekııa, Italııa, Mysyr elderiniń syrtqy saıasat vedomstvolary basshyla­rymen kezdesý ótkizdi.