Elimiz Syrtqy ister mınıstri Erjan Qazyhanov Nıý-Iorkte Juqpaıtyn aýrýlardyń aldyn alý men baqylaý jónindegi joǵary deńgeıdegi jınalysta sóz sóıledi, dep habarlady SIM-niń baspasóz qyzmeti.
Qazirgi qoǵam turaqty damý men turmys jaǵdaıynyń ózara tyǵyz baılanysyndaǵy sapa túsinýshiligine keldi. Myńjyldyq pen áleýmettik damý maqsatyndaǵy jumystar ómir súrý sapasynyń jaqsara túsýine qosylǵan aıtarlyqtaı úles bolyp tabylady. Bizdiń maqsatymyz – jahandyq kún tártibiniń basym taqyrybyna jáne XXI ǵasyrdyń bıik kedergisine aınalǵan sozylmaly juqpaıtyn aýrýlardan paıda bolatyn erte ólim sanynyń ósýin toqtatý, dedi óziniń sózinde E.Qazyhanov.
Mınıstr kelesi kezekte Qazaqstan juqpaıtyn aýrýlardyń aldyn alý jáne olarǵa qarsy kúres jumystarynda Jahandyq strategııanyń 2008-2013 jyldarǵa arnalǵan Dúnıejúzilik densaýlyq saqtaý uıymy jobasynyń oryndalýyna ustamdyǵyn bildiretinin atap ótti. Biz DDU-nyń ulttyq, jahandyq jáne aýmaqtyq deńgeıdegi qabyldap jatqan juqpaıtyn aýrýlardy baqylaý salasyndaǵy halyqaralyq áriptestermen yntymaqtastyǵyn qoldaımyz. DDU-nyń ǵylymı zertteýdegi jáne derekterdi jınaqtaýdaǵy sharalary juqpaıtyn aýrýlarǵa qarsy kúresti joǵary deńgeıge kóterýge múmkindik berer edi, dedi ol.
Juqpaıtyn aýrýlardyń sanyn aıtarlyqtaı tómendetýge baǵyttalǵan eń tıimdi tásilderdiń biri – qoǵamdyq densaýlyq saqtaý salasyndaǵy qaýipti faktorlardy joıýdaǵy sanıtarlyq medısına sharalarynyń keńeıýi men sapasynyń joǵarylaýy dep sanaımyz, dep sabaqtady sózin qazaqstandyq mınıstr. Osyǵan baılanysty, Dúnıejúzilik densaýlyq saqtaý uıymyn jáne BUU Balalar qoryn 1978 jylǵy birinshi sanıtarlyq medısına jónindegi Almaty deklarasııasyn damytý ustanymdary boıynsha onyń qyzmetin jalǵastyrýǵa shaqyramyz. Atalǵan birinshi sanıtarlyq medısına deklarasııasy búginde aýrýdyń aldyn alýdan bastap, aýrý belgilerin tapqannan keıingi uzaq merzimdi medısınalyq járdem berýmen aıaqtaý sııaqty joǵary qyzmet kórsetýdi kózdeıdi.
Qazaqstan Úkimeti ulttyq jobada juqpaıtyn aýrýlarǵa qarsy jumys máseleleriniń basymdyǵyn joǵarylatý jáne densaýlyq saqtaý júıesin nyǵaıtý arqyly juqpaıtyn aýrýlarǵa qarsy kúres saıasatyn kúsheıtýdi qoldaıdy. Bizdiń elimizdi DDU sheńberindegi konvensııa boıynsha temeki buıymdaryna qarsy «Densaýlyq jáne densaýlyq saqtaý júıesi týraly» kodeks qabyldandy, salamatty ómir súrýdi nasıhattaıtyn «Salamatty Qazaqstan-2010» atty memlekettik baǵdarlama sátti júzege asyrylyp keledi.
E.Qazyhanov sóziniń aıaǵynda juqpaıtyn aýrýlarǵa qarsy kúrestiń turaqty jáne uzaq merzimdi úderisterine kelisilgen myńjyldyq pen halyqaralyq maqsattar arqyly jetýge bolatynyna senim bildirdi.