Metro

Onda uıaly baılanys bolmaıdy jáne logotıp ózgeredi Almaty turǵyndary 20 jyldan astam taǵatsyzdana kútip júrgen metro Táý­el­sizdigimizdiń  20 jyldyǵyna oraı qalalyqtar ıgiligine be­rilmek. Bul kúnderi qu­ry­lysy tolyq aıaqtalǵan metroda daıyndyq jumystary qarqyn alýda. Metronyń sáý­lettik sán-sal­ta­naty qan­daı ekenin el oǵan otyr­ǵanda bile berer. Qazirgi belgilisi, Almaty metropolıteni uıaly baılanys­pen qamta­masyz etilmeıdi jáne onyń sımvoly ózgeredi. Qalaı desek te, endigi jer­de metronyń ýáde etilgen merzimde iske kirisýi qaı jaǵynan da asa mańyzdy. Al metronyń uıaly baı­la­nys­pen qam­tyl­maıtyndyǵyna kelsek, bul qadam Qazaqstan azamattarynyń qaýipsizdigi úshin jasalǵan shara. Eger eldiń esinde bolsa, Máskeý men Mınskidegi teraktiler uıaly baılanystyń kómegi­men iske asqany belgili. Metro bas­pa­sóz qyzmetiniń málimdeýinshe, quqyq qorǵaý organdary basqa elderde oryn alǵan qaıǵyly oqıǵalardy qaperge ala oty­ryp, metro stansalary men qurylǵylaryna uıaly baı­la­nys qyz­me­tin engizbeý jaıly keńes bergen. Biraq, osyǵan qaramaı, keıbir uıaly baı­la­nys operatorlary metroda óz abonentterine qyzmet kór­se­týge daı­yn ekendigin bildirip, tek ruqsat alý­dy ǵana kútip otyrǵan jaıy bar. Al 7 stansadan turatyn, uzyn­dy­ǵy 8,56 shaqyrymdy quraıtyn Alma­ty metrosy­nyń birinshi kezegi jel­toqsan aıynda jurttyń ıgiligine beriletindiginen halyq qulaǵ­dar bolyp otyr. Jáne Alma­ty metrosynyń logotıpi de kópshiliktiń kóńilinen shyq­paı júrgendikten, bıyl onyń belgisine baıqaý jarııalanǵan bo­la­tyn. Bul jarysqa jaz aıla­rynda 180-ge tarta jumys qa­tysyp, 57 adamnyń 96 ju­my­sy saraptamalyq komıssııa men qoǵamdyq talqylaýǵa usy­nylǵan-dy. Onyń ishinde tar­tymdy dep tabylǵan 8-i irik­telip, 5-i qalalyq qury­lys keńesiniń sheshim qa­byl­daýyna attandyrylǵan edi. Bular – Maksım Maly­shev, RA MOVATORS idea farm, Anton Ahmatov, Nıkıta Frankovskıı men Rýslan Súleımenovterdiń eskızderi bolatyn. Eń úzdik dep ta­byl­ǵan sımvol Alma­ty qa­lasy kúninde belgili bolýy tıis edi. Al saraptamalyq komıssııa qu­ramyn­da Qazaq­stan Dızaınerler oda­ǵynyń tór­aǵasy Tımýr Súleımenov, kóptegen bedeldi halyqara­lyq jáne qazaqstandyq baı­qaýlardyń júldege­ri   Sergeı Radıonov,   Astana kúni­niń 10 jyldyǵy jáne VII Qysqy Azııa oıyndaryna ke­ńes bergen Djanet Jakıen sııaqty dızaınerler jumys istegen. Al osy aralyqta  Face­book áleýmettik jelisi arqy­ly eń kóp daýysqa   Asqar Ma­hambetjanov (70 daýys), Sáken Joldas (154 daýys), Anton Ahmatov (87 daýys) jáne Oleg Zýev (51 daýys) ıemdengen bolatyn. Alaıda, qalalyq keńes bekitken jańa logotıpke kóńili tolmaǵan ınternet-qoldanýshylar qyzý qarsylyq bildirgennen keıin, shilde aıynda qaıta konkýrs jarııalandy. Endi el qoldaǵan jańa sım­voldy tuńǵysh metro jeltoq­sanda jolǵa shyǵatyn bolady. Aınash ESALI, Almaty.