Afrıka odaǵy Lıvııanyń Ulttyq ótpeli keńesin osy eldiń birden-bir zańdy bıligi retinde tanıtynyn málimdedi. Osymen bir mezgilde, afrıkalyqtar Lıvııanyń jańa bıligin osy elde jumys isteıtin qara násildilerdi qorǵaýǵa shaqyrdy.
Afrıka odaǵynyń uzaq ýaqyt Mýammar Kaddafıdiń oppozısııaǵa qarsylyǵyn qoldap kelgeni belgili. Tipti, kóterilisshiler el astanasy Trıpolıdi basyp alǵannan keıin de atalǵan uıym Ulttyq ótpeli keńesti zańdy bılik retinde tanýdan bas tartqan edi. Endi Afrıka odaǵynyń basqalaı tańdaýy qalmaǵan sekildi.
Nıý-Iorkte Islam ortalyǵy ashyldy
Keshe Nıý-Iorkte Islam mádenı ortalyǵynyń ashylý saltanaty boldy. Ol 2001 jyldyń 11 qyrkúıeginde jasalǵan qanquıly lańkestik saldarynan qulaǵan Búkilálemdik saýda ortalyǵynyń qos munarasy oryn tepken jerden eki oram jerde ornalasqan.
«Park-51» degen ataý berilgen Islam ortalyǵyn qurý jumystary áli tolyq aıaqtalǵan joq. Ol úshin áli de birneshe jyl qajet kórinedi. Ortalyqta, atap aıtqanda, musylmandar úshin ǵıbadat etý orny da ashylýy tıis. Bul nysan qurylysynyń kezinde AQSh-ta kóptegen narazylyq týǵyzǵany da belgili. Biraq parasat bıigi basym túskeni baıqalady.
Burynǵy prezıdent opat boldy
Aýǵanstannyń burynǵy prezıdenti Býrhanýddın Rabbanı opat boldy. Ony jankeshti-lańkes jaryp jiberdi degen aqparat tarady. Jankeshti jarylǵyshty ózi oraǵan sáldesiniń ishine jasyrypty.
Kabýl krımınaldy polısııasynyń bastyǵy Mohammed Zahır Rabbanıdyń qaza tabatyn 20 qyrkúıek kúni «Talıban» qozǵalysynyń eki ókilimen kelissóz júrgizgenin kóldeneń tartyp otyr. Jankeshti-lańkes sonyń bireýi bolyp shyqqan. Qurbandyǵyna jaqyndap kelgen ol bombany iske qossa kerek. Jarylys saldarynan Rabbanıdyń orynbasary men el prezıdenti Hamıd Karzaıdyń keńesshisi jaralanypty.
Qylmyskerlerden suhbat alýǵa qarsy
Qyrǵyzstan parlamentiniń depýtaty, «Ata-Meken» partııasynyń serkesi О́mirbek Tekebaev jergilikti BAQ-tardy uıymdasqan qylmystyq toptar basshylarynan jıi-jıi suhbat alatyndary úshin olarǵa syn túıreýishin qadady.
Onyń pikirinshe, eger jýrnalıster mundaı jarııalanymdaryn ózderi toqtatpasa, qylmystyq bedeldilermen suhbatqa resmı tyıym salynatyn bolady. Tekebaev sondaı-aq mundaı tyıym salýlardyń shetelderde qoldanylatynyn qaperge saldy. «Ata-Meken» serkesi buǵan deıin «qylmystyq mádenıetti nasıhattaýǵa» qatysty qylmystyq jaýapkershilik qoldanýdyń bastamashysy bolǵan edi.
Bir aınaldyrǵandy shyr aınaldyrady
Keshe Japonııanyń Honsıý aralynyń shyǵys jaǵalaýynda daýyl «saıran» saldy. Sıdzýoka prefektýrasy tabıǵı apat soqqysynyń astynda qaldy. Tórt jergilikti turǵyn kóz jumsa, ekeýi iz-túzsiz joǵalyp ketken.
Jalpy, osy aptanyń basynan beri Honsıý aralynda jańbyr nóserletip tur. Jańbyrdyń saldarynan birneshe ózen arnasynan asyp, joldardy buzǵan. Daýyl soǵar aldynda 1,3 mıllıon turǵynǵa qaýipti aýmaqtaǵy óz úılerin tastap shyǵý usynylypty. Sońǵy derekter boıynsha, 900 úı topan sýdyń astynda qalǵan. Meteorologtardyń boljaýlary boıynsha, «Roke» taıfýny soltústik-shyǵys baǵytyna jyljıtyn kórinedi.
Úndistandaǵy zilzala saldary aýyr
Úndistannyń soltústik-shyǵysyndaǵy Sıkkım shtatynda qýaty aıtarlyqtaı jer silkinisi tirkeldi. Zilzalanyń epısentri Nepal men Tıbet shekarasynda ornalasypty. Tabıǵı apat saldarynan kem degende 130 adam opat bolǵan.
Kóz jumǵandardyń basym bóligin Býtan, Batys Bengalııa, Bıhar jáne Djarhand shtattarynyń turǵyndary qurap otyr. Jergilikti bıliktiń aıtýlaryna qaraǵanda, 40 shaqty jumysshy Sıkkımniń soltústigindegi Lachen taýly ózeninde sý elektr stansasyn salyp jatqan alańda opat bolýy múmkin. Al zilzalanyń qýaty 6,8 balldy quraǵan.
Qysqa qaıyryp aıtqanda:
*Latvııa ýnıversıtetiniń professory Inesıs Feldmanıs elde turatyn latysh ultynan emesterdiń barlyǵy ózderin «basqynshylardyń urpaqtarymyz» dep moıyndaýlary kerek ekenin málimdedi.
*Gollandııanyń astanasy Amsterdam qalasynda sársenbige qaraǵan túni sot ǵımaraty janynda jarylys jasaldy. Ǵımarattyń úsh qabaty zardap shekse, jetinshi qabatqa deıingi bólmelerdiń terezeleri shaǵylǵan. Zardap shekkender joq.
*Rosavıasııa «Iаk-Servıs» áýe kompanııasynyń lısenzııasyn keri shaqyryp aldy. Atalǵan áýe kompanııasynyń Iаk-42 ushaǵy Iаroslavl qalasynyń mańynda apatqa ushyrap, onyń bortyndaǵy adamdardyń barlyǵy derlik opat bolǵany belgili.
*Keshe erteńgisin Sýhýmıdegi Kodorsk shossesinde bıznesmen Arsen Bjekshıev mingen «Mersedes» jeńil kóligine jasyrylǵan jarylǵysh qural iske qosylǵan. Kásipker oqıǵa ornynda kóz jumsa, janyndaǵy zaıyby kóptegen jaraqatymen aýrýhanaǵa jetkizilgen.
Internet materıaldary negizinde ázirlendi.