Mańyzdy joba Senatqa jetti

Keshe Parlament Sena­tyn­da Áleýmettik-mádenı damý ko­mıtetiniń tóraǵasy Aqan Bıjanovtyń tóraǵalyq etýimen «Dinı qyzmet pen dinı bir­lestikter týraly» jáne «Qazaqstan Respýblıkasy­nyń keıbir zańnamalyq aktilerine dinı qyzmet jáne dinı birlestikter máseleleri boı­yn­sha ózgerister men tolyq­ty­rýlar engizý týraly» zań jobalarynyń tanysty­r­y­ly­m­y boldy. Depýtattar aldynda Din isteri jónindegi agenttiktiń tóraǵasy Qaırat Lama Shárip sóz sóıledi. Dinı senim bostandyǵy jáne dinı birlestikter týraly zańna­ma­ny jetildirý qajettigi Qazaqstan Res­pýblıkasy Prezıdentiniń 2006 jylǵy 26 shildedegi Jarly­ǵy­men bekitilgen Azamattyq qo­ǵam­dy damytýdyń 2006-2011 jyl­­dar­ǵa arnalǵan tujyrym­da­ma­synda belgilengenin aıta kelip, Q.Lama Shárip dinı qyzmet pen dinı birlestikter týraly zańnama jobasyn tanystyrdy. Zań jobasynyń maqsaty dinı birlestikter qyzmetiniń jáne azamattardyń dinı qyzmetiniń negizgi baǵyttaryn quqyqtyq retteý, sondaı-aq ár túrli zań­na­ma­lyq aktilerdiń quqyq norma­lary­nyń arasyndaǵy qaıshy­lyqtardy, olqylyqtardy, kol­lı­zııalardy joıý arqyly dinı birlestikter týraly Qazaqstan zań­na­masyn jetildirý bolyp ta­bylady. Zańnama tirkelý úshin qajetti qujattar tizbesi men dinı bir­lestiktiń jarǵysyna qoıylatyn talaptardy anyqtaý, dinı birlestikterdi tirkeýden bas tartýynyń negizderi, sondaı-aq dintaný saraptamasyn júrgizý negizi men tártibi, «mıssıonerlik qyzmet», «dinı qyzmetshi» túsinikterin naq­tylaý bóliginde dinı birlestikterdi tirkeýge qatysty máse­lelerdi zańnamalyq retteýdi jetildirýdi kózdeıdi. Zań jobasyn qabyldaý teris quqyqtyq jáne áleýmettik-eko­nomıkalyq saldarǵa ákelip soq­tyr­maıdy, sebebi, boljamdalǵan ózgerister tıisti qoǵamdyq qa­tynastardy quqyqtyq retteýdiń tıimdiligine septigin tıgizetin elimizdiń qoldanystaǵy zańna­masyn jetildirýge baǵyttalǵan. Dinı senim bostandyǵy jáne dinı birlestikter týraly zańna­many tanystyrý barysynda depýtattar dinı birlestikterdiń qyzmetin retteıtin zańnama, dinı birlestikterdiń qyzmeti salasyn anyq reglamentteý jáne dinı qatynastar salasynda zańnama normalaryn buzǵany úshin qu­qyq­tyq jaýapkershilikti belgileý maqsatynda, sondaı-aq memle­ket­tik-konfessııalyq qatynastardy jetildirý salasynda memlekettik organdardyń júıeli qyzmetin uıymdastyrý úshin qazirgi za­man­ǵy dinı ahýaldy esepke ala oty­ryp jetildirý qajet ekenin aıtty. Jaqsybaı SAMRAT.