Astyq tasymalyna arnalǵan keńes

«Qazaqstan temir joly» UK» AQ bas ǵımaratynda astyq tasymaldaý jóninde keńes ótti. Sharaǵa Aýyl sha­rýa­shylyǵy vıse-mınıstri Mú­silim Ýmırıaev, kompa­nııa­nyń paıdalaný jónindegi bas­qarýshy dırektory Qanat Ál­maǵambetov, sondaı-aq kom­pa­nııanyń enshiles kásiporyn­da­ry men qurylymdyq bólim­she­ler jetekshileri, astyq kásiporyndarynyń basshy­la­ry qatysty. Aýyl sharýashylyǵy vıse- mınıstri Músilim Ýmırıaevtiń aı­týynsha, 2011 jyly elimiz boı­yn­sha 20 mıllıon tonna astyq jınaý josparlansa, onyń 10 mıl­lıon tonnasyn eksportqa shyǵarý kózdelgen. Qyrkúıek aıynda astyq ta­sy­maldaıtyn 23 myń vagonǵa tap­sy­rys túsken. Al «QTJ» UK» AQ vagon parkiniń múmkindigi shekteýli. Astyq tasymaldaıtyn vagondardyń jetispeýshiligine baı­lanysty Úkimettiń sheshimi boı­ynsha qyrkúıek-qarasha aıla­rynda aldymen respýblıkaishilik baǵdarlarǵa bıdaı jetkizý kerek. «Azyq-túlik kelisim shart kor­porasııasy» AQ tapsyrysymen oblystyq ákimdikter arasyndaǵy memorandým boıynsha osy ara­lyqta 500 myń tonna astyq tasymaldaý qajet. Otandyq astyq tasymaldaý kásiporyndaryna vagon jetispegen jaǵdaıda ózderiniń vagon parkin paıdalaný jáne reseılik kom­panııalardyń vagondaryn jalǵa alý joly usynylǵan. Keńes barysynda júk jónel­tý­shiler men qabyldaýshylarǵa astyqty kestede kórsetilgendeı der kezinde tıep, belgilengen mer­zimde túsirý júktelse, stansa basshylaryna táýligine 350 vagon astyq tıeý, onyń ishinde «Azyq-túlik korporasııasy» AQ tapsy­ry­symen 200 vagonǵa astyq tıeý jóninde tapsyrys berildi. Ábdirahman QYDYRBEK.