Astana jylý berý maýsymyna daıyn

Keshe Astana qalasynyń ákimi Imanǵalı Tasma­ǵam­be­tovtiń tóraǵalyǵymen elor­da­nyń 2011-2012 jylǵy qys­qy jylý berý maýsymyna daıyndyq máselesin pysyq­ta­ǵan jınalys bolyp ótti. Onda qala ákiminiń oryn­ba­sa­ry – 2011-2012 jylǵy jylý berý maýsymyna daıyndyq jónindegi qalalyq shtabtyń tóraǵasy Vasılıı Krylov, qalanyń Almaty, Saryarqa jáne Esil aýdandarynyń ákim­deri Sapar Ahmetov, Sá­bıla Mustafına jáne Qaırat Jańabergenov esep berdi. 2011 jylǵy 20 qyrkúıektegi jaǵdaı boıynsha, qaladaǵy bar­lyq turǵyn úı qory, ıaǵnı 1903 tur­ǵyn úı túgeldeı jylý maý­symyna daıyn. Sonymen birge, bıyl alǵash ret qaladaǵy 115 bilim berý nysany, 26 densaýlyq saqtaý jáne 12 mádenıet mekemeleri jylý maýsymyna 100 paıyz daıyndyqpen kelip otyr. Asta­na­ny jylýmen qamtamasyz etetin basty keshen – «Astana-Ener­gııa» AQ jylý berý maýsymyna 96 paıyz daıyn. О́tken jylǵy jylý maýsymy aıaqtalǵannan ber­gi ýaqytta qalanyń kommý­nal­dyq júıelerin, jylý berý orta­lyqtary men jelilerin aldaǵy maýsymǵa daıyndaý maqsatynda aýqymdy jumystar atqarylǵan. №1 JEO-nyń №1, 2 stan­sa­lar­dyń bý qazandyqtaryna jáne №4, 6 stansalardyń sý ysytatyn qazandyqtaryna keń kólemde aǵym­daǵy jóndeý jumystary júr­gizilse, №7 stansanyń sý ysy­tatyn qazandyǵy kúrdeli jón­deýden ótkizilgen. №2 JEO-nyń №2 stansasynyń týrbo-ge­ne­rato­ryna jóndeý jasalsa, №3 stan­sanyń bý qazandary agre­gat­taryna kúrdeli jóndeý júr­gi­zilýde. «Astana-Teplotranzıt» AQ aǵymdaǵy jyly jylý energııa­syn jiberýdiń qýatyn 3 656,2 myń Gkal-dan 3 692,1 myń Gkal-ǵa deıin arttyrǵan. Iаǵnı, qalaǵa bıyl byltyrǵyǵa qaraǵanda, 35,9 myń Gkal jylý artyq beriledi degen sóz. Kásiporyn jylý jelileri júıesin 27,97 shaqyrymǵa ulǵaıtty. Jylýmen qamtamasyz etetin 10 sorǵy stansasy aldaǵy maýsymǵa daıyn. Kásiporyn bı­yl­ǵy jyly 1489 metr magıs­tral­dyq jylý júıesin, 2997 metr taratý jelilerin jóndeýden ótkizip, 2 334 sharshy metr jylý magıstraldaryna jylý qorǵaǵyshtar ornatty. «Astana-REK» AQ elektr qýa­tyn taratatyn qosalqy stan­sa­lardy, taratý jelilerin, kabel júıelerin tolyq jóndeýden ót­kiz­di. «Astana Sý Arnasy» MKK qaramaǵynda 817 shaqyrym sý qubyrlary jelisi,  úshinshi dáre­je­li kóterý qýaty bar 9 sorǵy stansasy, 87 kóp qabatty turǵyn úılerge qysymmen sý jiberetin stansalardy 100 paıyz aldaǵy maý­symǵa daıyndyq sapyna qoı­ǵan. «Astana qalasyn sýmen jab­dyq­taý jáne káriz júıesin jetildirý jónindegi» japondyq joba­ny iske asyrý sheńberinde bir­qa­tar jańa nysandar iske qosyldy. Atap aıtqanda, aldaǵy jylý maý­symynda táýligine 210 myń tekshe metr sý óndiretin tutqysh jáne qýaty táýligine 105 myń tekshe metr sý aıdaıtyn sorǵysh-súzgi stansa iske qosyldy. Astana sý qoımasynan sý taratatyn magıstraldyń ekinshi jelisi qaıta qurýdan ótkizildi. Dıametri 1000 mm. bolatyn 51 shaqyrym sý taratý qubyrlary ornatyldy. «AstanaGazQyzmet» JShS qa­la­daǵy suıytylǵan gaz saqtaı­tyn 1400 jerasty rezervýarlary bar 360 iri gaz qoımalary qon­dyrǵylaryna qyzmet kórsetedi. Ol qaladaǵy 1039 kóp qabatty úılerdi gazben qamtamasyz etedi. 2011 jyly aldaǵy qysqy maý­sym­ǵa daıyndyq aıasynda osy gaz júıeleriniń bárine de jóndeý jumystary júrgizildi. Qalanyń barlyq jylý berý ortalyqtary qatty jáne suıyq otynmen qamtamasyz etilgen. Elimizde qabyldanǵan «2011-2020 jyldary turǵyn úı-kommý­nal­dyq sharýashylyǵyn modernızasııalaý baǵdarlamasy» sheń­be­rinde bıylǵy jyly Astana qa­lasynda 12 kóp qabatty turǵyn úıge jóndeý jumystary bas­tal­ǵan. Onyń ishinde jalpy quny 310 mıllıon teńge bolatyn 9 kóp qabatty úıge aǵymdaǵy jóndeý jáne jalpy quny 120 mıllıon teńge bolatyn 3 kóp qabatty úıge kúrdeli jóndeý jumystary júr­giziledi. Jınalysta qala ákimi Iman­ǵalı Tasmaǵambetov sóz sóılep, ót­ken jylǵy jylý berý maýsy­my aıaqtalysymen qalada osyn­daı iri jınalys ótip, aldaǵy jylý berý maýsymy qarsańynda atqarylatyn jumystardyń aýqy­my anyqtalyp, naqty jospar ja­salǵandyǵyn atap kórsetti. Bul jospar tolyq júzege asyryldy dep búgin senimmen aıtýǵa negiz bar. Ákim atap kórsetkendeı, №1 jáne №2 jylý ortalyqtarynyń qalany jylýmen tolyq qamta­ma­syz etýge múmkindigi jetpeıdi. Osy­nyń saldarynan qala qys aıynda 111 myń Gkal. jylý qýa­tyn osy ortalyqtar­dan kem ala­dy. Onyń orny sý ysytatyn bý qa­zandarynyń esebimen tolyq­ty­ry­la­dy. Bıyl qaıta qurýdan ót­ken mundaı bý qazandary 150 myń Gkal. qosymsha jylý ener­gııasyn beretin bolady. Iаǵnı, bıylǵy jyly qalany jylýmen qamtamasyz etý barysynda esh­qan­daı tapshylyq bolmaýǵa tıis. Osy máselelerdi aıta kelip, Iman­ǵalı Tasmaǵambetov ótken merzimde at­qarylǵan aýqymdy jumystyń jáne kom­mýnaldyq júıelerge salynǵan mıllıon­da­ǵan ınvestısııalardyń nátıje­sin­de al­daǵy jylý berý maýsy­myn eshqandaı problemasyz jáne kommýnaldyq tarıfterdi kóter­meı ótkizýge tolyq múmkindik ja­salǵandyǵyn atap kórsetip, ony oryn­daý jóninde qysqy jylý berý maý­symyna jaýapty kásip­oryn basshylarynyń ýádesin aldy. Jeńis dańǵylynda bıylǵy jaz maýsymynda kúrdeli jóndeý jumystary júrgizilgendigin qala jurtshylyǵy anyq biledi. Osy­ǵan baılanysty ákim bul dań­ǵyl­da buǵan deıin tek qana jamap-jasqaý jumystary júrgizil­gen­digin, al bıyl bul dańǵyl boı­yndaǵy barlyq ınjenerlik kommýnıkasııalar túgeldeı derlik ja­ńartylǵandyǵyn atap kór­set­ti. Osy bir ǵana dańǵyldaǵy áb­den tozyǵy jetken kommýnaldyq júıelerdi aýystyrýǵa qala qor­jynynan 7 mıllıard teńge qar­jy jumsalypty. Sol sııaqty Á.Mol­daǵulova jáne A.Imanov kóshe­lerinde de osyndaı ınjenerlik ınfraqurylymdardy to­lyq­taı qaıta jańǵyrtý jumys­ta­ry júr­gizilgen. Sonymen birge, bıyl Samal shaǵyn aýdanyndaǵy kóp qabatty elıtalyq úılerdi or­talyq jylý júıesine qosý ju­mysy aıaqtalǵan. Qala ákimi atap kór­setkendeı, elordanyń barlyq jylý taratý júıeleri aldaǵy jy­lý berý maýsymyna tolyq daı­yndyq sapyna qoıylǵan. Jylqybaı JAǴYPARULY.