Kishi festıval AQSh elshiliginiń qoldaýymen «Eýrazııa» kınofestıvali aıasynda ótti

Sońǵy jyldary Qa­zaq­­standaǵy AQSh elshiligi eli­­mizdiń kınematografııa sa­lasyndaǵy mádenı sha­ra­lar­dy ótkizýge atsa­ly­syp júr. Buǵan dálel retinde VII halyqaralyq «Eýrazııa» kınofestıvali aıasynda AQSh-tyń Qa­zaq­stan­daǵy elshiliginiń qoldaýymen Amerıka derekti fılm­deriniń festıvali ótkenin aıtýǵa bolady. – «Eýrazııa» kınofestıvali aıasynda ótkizilip kele jatqan derekti fılmderdiń kórsetilimi – eki el arasyndaǵy yntymaq­tas­tyqtyń mysaly. Mundaı mádenıetaralyq almasýlar jónindegi baǵ­darlama árqashan elshiliktiń mańyzdy jumystarynyń biri bo­lyp tabylady, – deıdi AQSh-tyń Qazaqstandaǵy elshisiniń má­de­nıet, BAQ, bilim jónindegi keńesshisi Djefrı Sekston. Bul sózdi ol Amerıka derekti fılmderiniń festıvaliniń ashylýyna oraı Almatydaǵy «Almaty taýers» bıznes-ortalyǵynda ótken baspasóz máslıhatynda aıtty. Bul jıynǵa amerıkalyq rejısser Aleksandrý Rotarý, kıno mamany Daıen Karson, AQSh-tyń Qazaqstandaǵy elshisiniń mádenıet, baspasóz jáne bilim jónindegi keńesshisi Djefrı Sekston, AQSh elshiliginiń mádenıet jónindegi attashesi Sıýzan Kaster jáne «Eýrazııa» halyqaralyq kınofestıvaliniń art-dırektory Gúlnar Ábikeeva qatysty. Jergilikti jýrnalıster osy kezdesý barysynda «Kamera us­ta­ǵan balalar» fılminiń rejısseri Aleksandrý Rotarý men tá­ji­rıbeli kınotanýshy Daıen Karsonmen suhbattasty. Olar «Eýrazııa-2011» festıvaline qurmetti qonaq retinde qatysýda. Kınofestıval aıasynda ótken kishi kınofestıval Qazaqstan úkimetiniń, Almaty qalasy ákimdiginiń, «Qazaqfılm» kınostý­dııa­sy­nyń jáne Qazaqstan Kınematografıster odaǵynyń qoldaýymen uıymdastyryldy. Bul fılmder azamattyq quqyqtar, soǵys ardagerlerine medı­sı­nalyq qyzmet kórsetý, qorshaǵan ortany qorǵaý jáne sóz bostan­dyǵy sııaqty san alýan taqyryptardy qamtıdy. Bir aıta ketetin jaıt, amerıkalyq rejısserlar men kınematografııa salasynyń bilgirleri bıyl jyl boıy Grekııada, О́zbekstanda, Úndistanda, Bangladeshte jáne álemniń basqa da ondaǵan elderinde bolyp, AQSh derekti fılmderiniń festıvaline qatysady eken. AQSh-tyń Qazaqstandaǵy elshiligi kórermenderge «Biz áli osynda turamyz», «Amerıkadaǵy eń qaýipti adam», «О́z kózińe óziń sen», «Kamera ustaǵan balalar», «Muqabadaǵy qyz», «Nıger’66» fılmderin usyndy. Fılmder Almatydaǵy Silk Way City kınoteatrynda orys tilindegi sýbtıtrlarmen júrdi. Aınash ESALI. Almaty.