Jármeńke jarap tur

Oblys ortalyǵyndaǵy  «Kvazar» saýda úıiniń aýlasynda qa­la turǵyndary ár senbi saıyn aýylsharýashylyq ónimderiniń  jármeńkesine jınalady. Ob­lys­taǵy 12 aýdan jer qara, kún jylyda qala turǵyndaryn áni men sáni jarasqan, qorjyny toly  jármeńkege shaqyra bas­tady. Alǵashqy bolyp, qala­lyqtarǵa Tólegen Bástenov bas­qaratyn Pavlodar aýdany kelgen edi. Buǵan deıingi ótetin jár­meń­kelerge oblystyń barlyq aýdandary túgeldeı qatysatyn. Endi oblys ákimi Baqytjan Sa­ǵyntaevtyń tapsyrmasyna oraı  aýdandar ár apta saıynǵy jár­meńkeni kezektesip ótkizýdi qol­ǵa aldy. Bulaı kezektesip ótkizý ár aýdannyń qolda ba­ryn, ón­dirgen ónimderiniń qanshalyqty baǵaly, tatymdy ekenin kórset­se, ekinshiden, aýdandar arasyn­daǵy básekeles­tik artady. Ákim­der de óz aýdandary ótkize­tin jármeńkege jaýapkershilikpen qaraı bastaı­dy. Budan keıin  «Kvazarda» qalalyqtar úshin qyzý saýda bolmaı qaıtsin. Al, ótken senbide  jármeńke kóshin jal­ǵastyryp, baıanaýyl­dyq­tar kel­di. Tańǵy saǵat 7-niń kezi. Sonyń ózinde kisi degen qalyń, kóbi zeınetkerler, az qamtamasyz etilgen otba­sylar jármeńkeniń jaqsy­ly­ǵyn kórip, bir qýanyp qaldy. Aınala  jumyrtqaǵa, qurt-maı, irimshikke, basqa da azyq-tú­likke lyqa toltyryp sómke kóter­­gen jurtshylyq, kóńilderi jaıda­ry, kelesi jármeńkede bas­qa ne ákeler eken desip jatyr. Keń alańda baıanaýyldyq óner­paz­dar án shyrqaýda. Barlyq joǵyńdy osy jerden-aq taýyp alasyń. Mundaǵy baǵa qala dúkenderindegi azyq-túlik ónim­derine qaraǵanda, 20 paıyzǵa deıin tómen. – Baıanaýyldyń aýyldary ob­lys ortalyǵyna 1785 kılo et, 235 kılo sary maı, 165 kılo qaımaq, 235 kılo irimshik, 90 kılo tátti qospa, 125 kılo qurt, 500 lıtr qymyz, 650 dana jumyrtqa, nan-toqash ónimderin, táttiler ákeldi. Qara maldyń, qoıdyń etteri, aýyldyń sary maıy, irimshigi, qospasy, jumyrtqasy, taǵy da basqa qajetti azyq-túlikter tur­ǵyn­darǵa arzanǵa túsýde, – deıdi aýdan ákimi Ernur Áıtkenov. Taǵy bir tańqalarlyǵy, tasyna da aǵash ósip shyǵatyn Baıanaýyl­dyń shalǵaıdaǵy Qaratomar degen aýylynan aǵash egip, jemisin kórgen aýyldyqtar alǵash ret 20 kılo «Baıannyń almasyn» ákep satty. Qalaýyn tapsa qar janar degen osy. Aýdan ákimi Ernur Áıtkenovtiń aıtýynsha, baıan­aýyl­dyqtar endi 26 qazanda Astanada ótetin jármeńkege  5 tonna et, «Keń dala» seriktestiginiń basshysy, kásipker Gúlnár Toqpa­nova pisiretin dámdi nan-toqash ónimderinen 1 tonna aparyp saýdalamaqshy. Farıda BYQAI, Pavlodar.