Qurylysty damytý jaıy talqylandy

Jýyqta Astana qala­syn­da «Indýstrııalyq qurylys teh­nologııalary» assosıasııa­sy­nyń uıymdastyrýymen eli­mizdegi 2010-2014 jyldarǵa arnalǵan qurylys ındýs­trııa­sy men qu­ry­lys mate­rıaldary óndirisin damytý baǵdarlamasyn júzege asy­rý joldaryn talqylaǵan dóń­ge­lek ústel bolyp ótti. Dóń­ge­lek ústeldi atalǵan assosıa­sııan­yń tóraǵasy akademık K.Nur­ba­ty­rov ashyp, júr­gizip otyrdy. Dóńgelek ústelge qaty­sý­shy­lar elimizdegi turǵyn úı qury­lysyn,  otandyq qurylys mate­rıaldary óndirisin damytyp, olardyń sapasyn jaqsartýdyń tıimdi joldaryn izdestirý jó­nin­de oı-pikirler qozǵady. Máselen, ındýstrııa jáne jańa tehnologııa­lar mınıstrligi, О́nerkásip komıteti tóraǵasynyń orynbasary Dáýlet Baqbergen atalǵan baǵ­dar­lamany júzege asyrý jaıynda áńgime qozǵasa, «Turǵyn úı kom­mý­naldyq sharýashylyqty jań­ǵyr­tý men damytýdyń qazaq­stan­dyq ortalyǵy» AQ Monıtorıng jáne taldaý departamentiniń dı­rek­tory Mádına Mýrsaqına tur­ǵyn úıdi jóndeýge qatysty óz oı-pikirlerin bildirdi. «Qazaq­stan­dyq ındýstrııany damytý ıns­tıtýty» AQ óńdeý ónerkási­bin damytý ortalyǵynyń dı­rek­tory Aıgúl Kósherbaeva qury­lys ındýstrııasyn damytýdaǵy óńirlerde júrip jatqan jumys­tarǵa sholý jasap, osy másele tý­raly óz kózqarastaryn jetkizdi. Dóńgelek ústeldegi talqy­laý­lar nátıjesinde qurylys ındýs­trııa­sy men qurylys materıal­dary óndirisin damytý másele­si­ne qatysty memlekettik organ­dar­ǵa tıisti usynystar ázirlendi. Suńǵat ÁLIPBAI.