Adamzat armanymen astasqan bastama

Qazaqstan Pre­zı­dentiniń jahandyq qaýip­siz­dik jáne ıadrolyq qarýsyzdaný jónindegi kóshbas­shy­lyǵy álem nazarynda Lınn PASKOÝ, BUU Bas hatshysynyń orynbasary: – Meniń oıymsha, Qazaqstan Prezıdenti Nursultan Nazarbaev asa mańyzdy strategııalyq sheshim qabyl­dady jáne onyń ıadro­lyq synaqtardy toqtatý, Orta­lyq Azııada ıadrolyq qarýdan azat aımaq qurý jónindegi bastamasy der kezindegi óte ózekti másele. BUU Bas hatshysynyń burynǵy Semeı polıgony aýmaǵyna bar­ǵan sapary barysynda biz siz­der­diń Prezıdentterińizdiń ıadrolyq qarýlanýǵa qarsy bastamasy sóz júzinde emes, is júzinde jumys istep jatqanyna kózimiz jetti. Aımaqtaǵy Qazaqstannyń kósh­bas­shylyǵy – bul búginde búkil álem úshin daýsyz aqıqat. Djonatan GRANOF, Jahan­dyq qaýipsizdik ınstıtýtynyń prezıdenti: – Qazaqstannyń óz jeri aýmaǵynda jasalǵan barlyq ıad­ro­lyq synaqtan keıin ıadrolyq qarýǵa tyıym salý týraly aıtýǵa tolyq moraldyq quqyǵy bar. Qazaqstan adamzattyń bolashaǵy ıadrolyq qarýsyz bolýy kerektigi týraly barlyq daýsymen málim­deıdi. Búkil adamzat bul bas­ta­maǵa barynsha qoldaý kórsetedi. Prezıdent Nazarbaev jańa kitabynda Qazaqstan ıslam men hrıstıan­nyń, shyǵys pen batys­tyń damýynyń jáne dástúr­leri­niń toǵysqan jerinde turǵan­dy­ǵyn, sonymen birge bul qundy­lyq­tardy úılesimmen jalǵas­tyryp kele jatqandyǵyn atap kórsetedi. Naq osy plıýralızm men toleranttyq, beıbitshilik pen kelisim ıdeıalarynyń búkil álemde basymdyqqa ıe bolatyn­dy­ǵyna úmittenemin jáne tolyq senemin. Maıkl KOEN, Nıýskýll ýnıversıtetiniń professory: – Qazaqstan Ortalyq Azııa­nyń álem tanyǵan Kóshbasshysy. Biz úshin sizderdiń elińizdiń bas­shysynyń ıadrolyq qaýipsizdik týraly jáne basqa da máseleler jónindegi pikiri asa qundy. Biz Qazaqstannyń halyq­aralyq dá­re­jedegi bastamalaryn qoldaımyz. Sala SALAH, Egıpettiń BUU-daǵy ókildiginiń qyz­metkeri: – Biz Qazaqstan Prezıdentiniń ıadrolyq energetıka jáne ıadro­lyq qarýlaný salalaryndaǵy qaýip­sizdikti qam­tamasyz etý jónindegi barlyq bastamasyn qoldaı­myz. Meniń oıymsha, búkil adamzat bul máseleni qol­daı­dy jáne oǵan tolyq túsinistikpen qaraıdy. Naq osyn­daı másele­ler­di tek teorııa júzinde ǵana emes, is júzinde de kóterip  kele jatqan árbir memleket asa zor qurmetke ıe bola alady. Djenıfer TERRI, halyq­ara­lyq qarym-qaty­nas sala­sy­nyń sarapshysy (AQSh): – Qazaqstan men AQSh barlyq salalarda, onyń ishinde, ıadrolyq qaýipsizdik salasynda da óte ty­ǵyz baı­lanys jasap keledi. El Táýelsizdiginiń 20 jyldyǵy ishinde Prezıdent Nursultan Nazarbaev bul másele­ler­ge aıryq­sha nazar aýdaryp keledi. Ol ıadrolyq synaq polıgonyn japty jáne álemdegi eń qýatty ıadrolyq qarý arsenalynan bas tartty. AQSh sizderdiń Prezıdentteri­ńiz­di biledi jáne qurmet tutady. Melısa HOLMS, búgingi za­mannyń saıasaty jáne basqarý salasynyń sarapshysy: – Prezıdent Nursultan Na­zar­baevtyń 1991 jyly Semeı polıgonyn japqandyǵyn eske ala otyryp, tek biz qazir ǵana bul sharanyń búkil adamzat úshin qandaı mańyzdy tarıhı qadam bolǵandyǵyn baǵalaý múmkindi­gine jetip otyrmyz. Buryn biz bul týraly oılanǵamyz joq. Al Qazaqstan óz erkimen ıadrolyq qarýdan bas tartqannan keıin búkil álemde Qazaqstanǵa degen senim men qurmet barynsha ósip otyr. Nursultan Nazarbaev ózi­niń osy sheshimimen eliniń turaq­ty damýyna negiz qalap qana qoıǵan joq, sonymen birge ol aı­maqtyq jáne halyqaralyq qaýip­sizdik pen turaqtylyqty qamta­masyz etýge zor úles qosty. О́t­ken jyly Qazaqstan EQYU-ǵa tóraǵalyq etti. Meniń oıymsha, bul sizderdiń Prezıdentteri­ńiz­diń orasan zor  eńbeginiń jemisi. Mark ShNAIDER, Etnos­ara­lyq ózara túsinistik qory­nyń prezıdenti: – Qazaqstan AQSh úshin ǵana emes, sonymen birge, ıadrolyq qaýipsizdikti qamtamasyz etý jónindegi búkil­álem­dik qoǵamdas­tyqtyń aıryqsha seriktesi bolyp tabylady. Sondyqtan da Qazaq­stannyń jáne Prezıdent N.Nazar­baevtyń barlyq bastamala­ry mańyzdy sıpatqa ıe. Men Qazaqstanda eki ret boldym. Osy saparlarym barysynda sizderdiń elderińizdiń damýyna, ásirese, sáýl­etti de sal­tanatty Astana­nyń kelbetine erekshe tań qaldym. Qa­zaq­stan sonymen birge,  dinaralyq únqatysý jáne ultaralyq kelisim máseleleri boıynsha úlgi bolyp tabylady. Men Qa­zaqstanda barlyq konfessııalar arasyndaǵy ózara syı­las­tyq pen toleranttyqtyń naqty kórinisterine kýá boldym.