JAŃA BILIM ORDASY AShYLDY

Memleketti damytýdyń jolda­ryn Elbasy jyl saıyn halyqqa arnaǵan Joldaýynda jarııa etetini belgili. Sonyń ishinde 2007 jyly 28 aqpandaǵy “Jańa álemdegi – jańa Qazaqstan” atty Joldaýynda “100 mektep, 100 aýrýhana” baǵ­dar­lamasyn júzege asyrýdy tap­syr­ǵan bolatyn. Mektep jetispeý­shi­ligi qatty baıqalyp otyrǵan oń­tús­tik óńirde osy baǵdarlama aıa­synda 40-tan astam bilim uıasy sa­lyndy, ondaǵan aýrýhana boı kóte­rip, halyqqa qyzmet kórsetýde. Jýyrda ǵana Maqtaaral aýdany, Eńbekshi eldi mekeninde jańa ǵa­syrdyń talabyna jaýap beretin mektep ǵımaraty saltanatty túrde ashyldy. Turǵyndary óte tyǵyz ornalasqan, mektep tapshylyǵy asa sezilip turǵan óńir edi. Halyq­tyń qýanyshyna aınalǵan osy sáý­letti bilim ordasynyń boı kóterýi “100 mektep, 100 aýrýhana” baǵ­dar­lamasy aıasynda júzege asyp otyr. Tólebek QOSMAMBETOV, Parlament Májilisiniń depýtaty. HALYQ TILEGI QAShANDA NAZARDA Keshe elimizdiń Eńbek jáne halyqty áleýmettik qorǵaý mı­nıstrliginde “Nur Otan” halyq­tyq-demokratııalyq partııasynyń Astana qalalyq fılıaly qoǵam­dyq qabyldaý bóliminiń kóshpeli otyrysy ótti. Bul jıynnyń bas­ty maqsaty – áleýmettiń talap-tilegine memlekettik turǵyda únqatý. Kóshpeli otyrys kezinde alǵash­qy bolyp sóz alǵan “Nur Otan” HDP “Birlik” fılıaly tóraǵasynyń birinshi orynbasary Talǵat Tulǵaev mundaı “kóshpeli” bastamanyń alǵash ret júzege asy­ry­lyp otyrǵanyn jetkizdi. “Nur Otannyń” negizgi kózdegeni – ol halyqpen birge bolý, onyń muń-muqtajyna qulaq túrý. Sondyqtan bul tájirıbeniń mańyzy zor”, dedi T.Tulǵaev. Otyrys kezinde ańǵarǵanymyz, “Nur Otan” HDP-nyń XII kezek­ten tys sezinde Elbasy, partııa lıderi Nursultan Nazarbaevtyń halyqty tolǵandyrǵan máselelerge tyńǵylyqty jaýap berýdiń pár­mendi júıesin qurý kerek degen tapsyrmasyna sáıkes, júıeli ju­mystar júrgizilip jatqany boldy. Máselen, I toqsan ishinde partııa­nyń Ortalyq apparatynyń qoǵam­dyq qabyldaý bólimine 1530 usy­nys-tilek túsken eken. “Bul ha­lyq­tyń partııaǵa degen senimin kór­setedi. Sondyqtan halyqqa belsendi kómek kórsetýdi odan ári jalǵastyrý kerek. Kóshpeli otyrystyń kózdegeni de osy”, dedi partııa ókilderi. Olardyń aı­týyn­sha, atalǵan sharanyń maqsaty – partııa músheleriniń, jalpy ha­lyq­tyń jáne jeke memlekettik qyz­metkerlerdiń áleýmettik-eko­no­mıkalyq máselelerin qaras­tyrý, halyqty tolǵandyrǵan máse­lelerge únsiz qalmaý, azamattardyń jan-jaqty aqparattandyrylýyn jáne quqyqtyq saýattylyǵyn joǵarylatý. Bul kúngi kóshpeli jıyn ke­zinde Astana qalalyq ishki ister departamenti kóshi-qon polısııasy basqarmasynyń, “Esil” aýdany­nyń halyqqa qyzmet kórsetý orta­lyǵynyń, Astana qalalyq salyq departamenti men turǵyn úı bas­qar­masynyń, “Jılstroıbank” AQ-tyń ókilderi qatysyp, jıynǵa kelgenderdiń saýaldaryna jaýap berdi. Sondaı-aq, otyrys bary­synda partııa men memlekettik organdar ókilderi Zeınetaqy tóleý jónindegi memlekettik ortalyq pen Eńbek jáne halyqty áleý­mettik qorǵaý mınıstrligi qyzmet­kerlerin tolǵandyrǵan máselelerdi tyńdap, olardyń usynys-tilek­teri­men tanysty. Láıla EDILQYZY. IRANNYŃ BAS KONSÝLDYǴY AShYLDY Sońǵy jyldary ózara qarym-qatynasymyz qalyptasa bastaǵan Iran Islam Respýblıkasynyń bas konsýldyǵy Aqtaýda ashyldy. Buryn Aqtaý halyqaralyq teńiz saýda porty Irannyń porttarymen ǵana iskerlik baı­lanysta  bolǵan edi. Endi  eki el arasyndaǵy dostyqty Elbasy N.Nazar­baev sáttilik tilep iske qosqan Jańaózen – Gorgan temir jolynyń qurylysy kiriktire tústi. Sondaı-aq, jaqyn kúnderi eki el arasynda áýe qatynasy da jolǵa qoıylmaqshy. Saltanatty sátte quttyqtaý sóz sóılegen Aqtaý oblysynyń ákimi Qyrymbek Kósherbaev pen Iran Islam Respýblıkasy Syrtqy ister mınıstriniń orynbasary Hosseın Farahı joǵaryda aıtylǵandaı, dostyqqa dáneker bolatyn kóptegen ıgi isterdiń uıytqysy osy bas konsýldyq bolatyndyǵyna senim bildirdi. Dostyq dánekeri dese degendeı, osyǵan deıin Aqtaýda Ázirbaıjan Respýblıkasynyń bas konsýldyǵy ashylyp, bul kúnderi teńizdegi kórshilerimizben aradaǵy iskerlik baılanystyń bıik belesterge kóterile túskendigine kópshilik kýá bolýda. Jolaman BOShALAQ, Mańǵystaý oblysy. POLISEILER PÁTERLI BOLDY Shyǵys Qazaqstan oblysy elimizde qyl­­­­mystyq ahýal jóninen aldyńǵy oryn­dardyń birin alady. Alaıda sońǵy birer jylda qylmystyń aldyn-alý, túrli jedel sharalardy júzege asyrý, quqyq qorǵaý salasynda eńbek etetinderge áleý­met­tik jaǵdaılardy jaqsartý nátıjesinde qyl­mys deńgeıiniń tómendegeni baıqa­la­dy. Máselen, 2005 jyly oblysta 19 myń qyl­mys tirkelse, byltyr ol 13 paıyzǵa tómen­dep, 16 600 qylmys jasalǵan. О́t­ken jyly qarjy daǵdarysyna qaramas­tan ishki ister organdaryna biraz qarjy bólinipti. 89 mektep ınspektory, 24 ýchas­kelik, 146 patrýldik polısııa qyzmet­ker­leri­niń qosymsha shtaty engizilip, 36 avto­kólik, eki myńǵa jýyq kıim-keshek alyndy. Tynyshtyq qorǵaý salasyndaǵy qyra­ǵy qyzmette turǵandar taǵy bir qýanyshqa keneldi. Qalanyń sol jaǵalaýynda tórt qabatty, qyzyl kirpishten ásem órilgen 60 páterli turǵyn úıdiń barlyǵyna polı­seı­ler ıe boldy. Saltanatty jıyndy oblys ákimi Berdibek Saparbaev ashty. – Jańa jyl sizderge qýanysh, baqyt ákelsin. Mine, 60 adamǵa páterlerdiń kil­tin tapsyrǵaly turmyz. Oblystyq bıýd­jet bul úıdiń qurylysyna 198 mıllıon teńge qarjy bóldi. Munyń aldynda da polıseılerge kólikter, qyzmet jabdyq­tary bólingen. Endeshe aldaǵy ýaqytta qylmys azaıyp, turǵyndardyń alańsyz demalýlaryna jaǵdaı jasaıyq, ­– dedi oblys ákimi. Budan keıin oblys ákimi B. Saparbaev pen oblystyq ishki ister departamentiniń bastyǵy mılısııa general-maıory Qal­muhan­bet Qasymov bir top úzdikterge páter kiltterin saltanatty jaǵdaıda tabys etti. Olardyń qatarynda О́skemen qalalyq ishki ister basqarmasy Kadr jáne tárbıe jumysy bólimi bastyǵynyń orynbasary polısııa maıory Erjan Bulanbaev, patrýldik polısııa batalony koman­dıriniń orynbasary polısııa maıory Jan­bolat Sanbaev, Sol jaǵalaý polısııa bóliminiń polısııa qyzmetkerleri erli-zaıypty Aıbek pen Aıgúl Mýsınovtar jáne taǵy basqalar bar. Páter kiltterine ıe bolǵan tynyshtyq saqshylary oblys ákimine alǵystaryn aıtty. Ońdasyn ELÝBAI. AÝRÝDYŃ ALDYN ALÝ TIIMDI Aqtóbe oblystyq memlekettik sanıtar­lyq-epıdemıologııalyq departamentiniń dırektory Quralaı Áljanova óńirdegi buqaralyq aqparat quraldary ókilderimen ótkizgen baspasóz máslıhatynda osy salada ótken jyly qol jetkizilgen tabystar men aldaǵy ýaqytta nazarda ustalatyn ózekti máselelerge toqtaldy. Onyń málimdeýin­she, oblysta juqpaly, karantındik, asa qaýipti para­zıtarlyq aýrýlar boıynsha jaǵdaı qalypty kórinedi. Eldi mekender­de, ujym­darda, medısınalyq mekemelerde toptyq ınfeksııalyq aýrýlarǵa shaldyǵý jáne tamaqtan ýlaný bolmapty. Sondaı-aq po­lıo­mıelıt, qyzylsha, ish súzegi, kókjótel, qyzamyq, sirespe, oba, túıneme týlıaremııa, bórtpe súzegi, A(N1N1)tumaýy tirkelmepti. Salmonellez, menıngokokkty menıngıt, “A” jáne “V” vırýsty gepatıt aýrýlaryna shaldyǵý anaǵurlym tómendegen. Esesine, oblysta jedel ishek aýrýlary, rotavırýsty enterıt,”S” vırýsty gepatıty, epıdemııa­lyq parotıt, JRVI, tumaýmen syrqattaný ósip ketken. Baspasóz máslıhatynda sóz alǵan Marat Ospanov atyndaǵy Batys Qazaq­stan memlekettik medısına ýnıversı­teti­niń professorlary, osy aýrýlardyń aldyn alý, emdeý, sondaı-aq, Reseıdiń kórshiles oblystarynda epıdemııalyq qaýipti jaǵdaı bola qalsa ózara tyǵyz baılanysta áreket etý máseleleri jáıli jan-jaqty áńgimelep, ózderiniń usynys-pikirlerin ortaǵa saldy. Satybaldy SÁÝIRBAI, Aqtóbe oblysy. ÁRIPTESIMIZDIŃ “ShÁKÁRIMI” QAITA JARYQ KО́RDI Dala danyshpany atanǵan Shákárim qajynyń 150 jyldyq torqaly toıyna oraı áriptesimiz Dáýlet Seısenulynyń “Shá­kárim” atty derekti kitaby As­ta­na­daǵy “Folıant” baspasynan jaryq kór­gen edi. Sodan bergi jerde atal­mysh kitap týraly túrli deńgeı­degi onnan astam basylym­da jyly lebiz bildiri­lip, avtor Qazaq­stan Jýr­na­lıs­ter odaǵy men oblys ákimi syı­lyǵyn ıelen­gen bolatyn. Onyń syrtynda Dáýlet Seısenuly Shá­­kárim atyndaǵy Semeı mem­lekettik ýnıversıteti­niń qurmet­ti profes­sory atanǵan-dy. Mu­nyń bir sebebi sol, bul eńbek baspaǵa osy joǵary oqý orny janyndaǵy Shákárimtaný ǵyly­mı-zertteý ortalyǵynda jan-jaqty talqy­lanyp, daıyndalǵan edi. Endi, mine áriptesimizdiń Má­de­nıet jáne aqparat mınıstrli­giniń áleýmettik mańyzdy ádebıet tizimi­ne engizilgen osy eńbegi Almaty­daǵy “Qazaqstan” baspasy­nan ekin­shi qaıtara jaryq kórip otyr. Bir aıta ketetin jáıt, kitap­tyń ekinshi basylymynda qaısy­bir derekter naqtylana túsken. Ǵulama aqynnyń jańadan tabyl­ǵan úshinshi sýreti men onyń qalaı tabyl­ǵan­dyǵy jó­nin­de Semeı memlekettik ýnıver­sı­tetiniń rek­tory, profes­sor Er­lan Sy­dyqov­tyń “Egemende” jarııa­lanǵan ma­qa­lasy da kitaptyń jańa nusqasy­na engizilip úlgerilgen. So­ny­men birge, avtor kelisimimen bas­pa tara­py­nan da aqyn ómirine qa­tys­­ty buryn kóp aıtylmaı kelgen derek­ter engizil­gen. Sondaı-aq, aqyn­nyń búgingi urpaqtarynyń sýret­teri de keńinen toptastyryl­ǵan. Sóıtip, áriptesimizdiń atal­ǵan baspanyń “Ǵıbratty ǵumyr” se­rııa­symen taǵy da eki myń dana­men jaryq kórgen Shákárim syn­dy ǵulama týraly ǵumyr­namalyq derekti hıkaıaty óz oqyrman­daryna jol tartty. “Egemen-aqparat”.